Si-siá-mo͘h

?Si-siá-mo͘h
Seng-bu̍t-ha̍k hun-lūi
Kài: Animalia Mn̂g: Chordata Kong: Actinopterygii Bo̍k: Osmeriformes Kho: Osmeridae Sio̍k: Spirinchus Chéng: S. lanceolatus
Ha̍k-miâ
Spirinchus lanceolatus (Hikita, 1913)

Si-siá-mo͘h (シシャモ 柳葉魚 sisyamo), ha̍k-miâ Spirinchus lanceolatus, sī chi̍t khoán kiâm-chú-hî, thé-tn̂g tāi-khài 15 kong-hun.

Hō-miâ

Si-siá-mo͘h chit-ê miâ ê lâi-goân sī Ji̍t-gí ê sisyamo (シシャモ), Ji̍t-gí miâ koh sī tùi Ainu-gí ê susam chioh--lâi-ê, Ji̍t-gí lēng-gōa koh phòe-ha̍p susam ê ì-gī, tàu chò Hàn-jī-sû "liú-hio̍h-hî" (柳葉魚), sǹg sī sio̍k-jī-hùn ê chi̍t khoán.

Liāu-lí

Chi̍t pôaⁿ liāu-lí kòe ê si-siá-mo͘h

Tī Ji̍t-pún liāu-lí si-siá-mo͘h tiā kui chiah hông chian ia̍h chìⁿ lâi chia̍h, lāi-bīn ê hî-nn̄g sī i-ê te̍k-sek chi it. Chit khoán chhài-sek tī Tâi-oân mā chiâⁿ liû-hêng.