Simone Weil

Simone Weil (1909 nî 2 goe̍h 3 ji̍t – 1943 nî 8 goe̍h 24 ji̍t) sī Hoat-kok ê sîn-pì-ka, tiat-ha̍k-ka, kiam Jī-chhù Tāi-chiàn sî-kî hoat-kok hoán-khòng oa̍h-tāng-chiá.

Simone Weil (1921)

Su-sióng

Weil sī iû-thài ka-têng chhut-sin, chóng-sī i ê sîn-pì sîn-ha̍k khah óa-kīn Lô-má Thian-chú-kàu ê su-sióng. I ia̍h hun-sek kò-jîn kap kok-ka kiam Siōng-tè ê koan-hē, hiān-tāi kang-gia̍p siā-hōe tī cheng-sîn hong-bīn ê put-chio̍k, kap ke̍k-khoân-chú-gī ê khióng-pò͘.

Tì-chok

Weil ê tì-chok tōa-hūn sī i kòe-sin liáu-āu chiah hông chéng-lí chhut-pán--ê, pau-koat ū:

• La Pesanteur et la grâce (1947 nî)
• L’Enracinement (1949 nî)
• Attente de Dieu (1950 nî)
• Oppression et Liberté (1955 nî)
• Cahiers (1951–56 nî, hun 3 kǹg)

Chham-chiàu

• Kathleen Kuiper, pian. (2010). "Simone Weil". Britannica Guide to the World's Most Influential People: 100 Most Influential Women of All Time. Encyclopaedia Britannica, Inc. ISBN 978-1-61530-058-7.