Tâi-to̍k tóng-kong

Tâi-to̍k tóng-kong sī Tâi-oân Bîn-chìn-tóng tī 1991 nî 10 goe̍h 13 hō tē-gō͘ kài tē-it chhù choân-kok tóng-tāi-piáu tāi-hōe thong-kòe ê siu-tēng tóng-kong lāi ê chi̍t ê tiâu-bûn, i-ê chhó-àn sī iû chhòng-tóng tóng-oân Lîm Cho̍k-súi khí-chhó. Che kap Tâi-hái hiān-chōng bi̍t-chhiat siong-koan, i-ê lōe-iông sī chú-tiuⁿ thàu-kòe kong-bîn tâu-phiò si̍t-hiān Tâi-oân to̍k-li̍p ê lí-liām. Chit-ê tóng-kong ê thong-kòe, hō͘ Bîn-chìn-tóng chèng-sek chiâⁿ-chò chú-tiuⁿ Tâi-oân to̍k-li̍p ê chèng-tóng, mā hō͘ Tâi-oân chèng-tī chiông-chhú tī Tiong-kok thóng-it kap Tâi-oân to̍k-li̍p ê ì-sek hêng-thài tiong tùi-li̍p. In-ūi kí-hêng thóng-to̍k kong-tâu ê tōa-tōa éng-hióng Tâi-oân hái-kiap lióng-hōaⁿ koan-hē, Bîn-chìn-tóng tī Tân Chúi-píⁿ kap Chhòa Eng-bûn chip-chèng sî-tāi it-ti̍t bô-ì chiū thóng-to̍k chìn-hêng kong-tâu, î-chhî hiān-chōng, bô-ài bong tio̍h Tiong-kok ê chèng-tī bín-kám sîn-keng.