Tông-hêng-hō (Eng-gí: Homoglyph) sī ùi ìn-soat ê sî-chūn hêng-thé sio-kâng ê bô-kâng hû-hō (pí-lūn jī-bó), chhiūⁿ 1 ("it" ê A-lá-pek sò͘-jī) kap l (jī-bó "L" ê sió-siá), í-kip 0 (sò͘-jī) kap O (jī-bó) téng-téng; thâu-chêng nn̄g hāng tông-hêng-hō tī chá-kî ìn-soat tiāⁿ-tiāⁿ sī goân-choâng sio-kâng bô hun-piat--ê, sīm-chì sī kong-ke chi̍t-ê khí (key); chóng-sī hiān-sî siat-kè jī-hêng ê sî it-poaⁿ ē tek-piat kiông-tiāu in ê khu-pia̍t.