Tēⁿ Tō-thoân
Tēⁿ Tō-thoân (Hàn-jī: 鄭道傳; Ko-lê-jī: 정도전; Hân-gí: Jeong Dojeon; 1342 nî - 1398 nî 8 goe̍h 26 ji̍t), pió-jī Chong-chi (宗之), hō Sam-hong (三峯). I sī Hân-kok Ko-lê ông-tiâu boán-kî kah Tiâu-sián ông-tiâu chho͘-kî ê tiōng-iàu koaⁿ-oân, mā sī pang-chō͘ Tiâu-sián Thài-chó͘ kiàn-kok ê kong-sîn.
Tiâu-sián Thài-chong hui-siông thó-ià Tēⁿ Tō-thoân, kā i tòng-choè sī ge̍k-sîn; in-chhú, ū chin tn̂g ê chi̍t tōaⁿ sî-kan, Tēⁿ Tō-thoân lóng hō lâng khì-hiâm.
1791 nî, Tiâu-sián Chèng-chong chiah bēng-lēng gián-kiù i ê ha̍k-būn, koh khan-hêng i ê bûn-chi̍pSam-hong Chi̍p(三峯集).
1865 nî, Heng-soan Tāi-īⁿ Kun teh têng-khí Kéng-hok Kiong ê sî-chūn, khoe-ho̍k Tēⁿ Tō-thoân í-chêng ê só͘-ū kong-hun kah chiok-ūi.