Thé-kak hē-thóng

Thé-kak hē-thóng (Eng-gí: somatosensory system) sī 1 khoán ti-kak hē-thóng, pau-hâm phoê-hu kám-kak, chhim-pō͘ kám-kak, pak-lāi kám-kak. Phoê-hu kám-kak pau-hâm chiap-chhiok chō-chiâⁿ ê chhiok-kak, ap-le̍k chō-chiâⁿ ê ap-kak, un-tō͘ chō-chiâⁿ sio ia̍h léng ê un-kak, kap thiàⁿ (pain); chiūⁿ (itch) ham ngiau (tickle) mā hông tòng-chò thiàⁿ ê kám-kak. Chhim-pō͘ kám-kak pau-hâm kin-bah chhun-kiu ham koan-chat ūi-tì ê kám-kak, chhiūⁿ kóng chu-sè (posture), ūn-tōng (locomotion), kap piáu-chêng. Pak-lāi kám-kak pau-hâm chhun-kiu ham thiàⁿ ê kám-kak.

Jîn-lūi ê phoê-hu lāi-té ū chin chē sîn-keng thang chiap-siu chhì-kek.