Tiuⁿ Chèng-ú
| 這篇文章有漢字兮版本。 參考這篇文章兮漢字版本。 |
Tiuⁿ Chèng-ú (2000 nî 6 goe̍h 8 hō chhut-sì ) sī Tâi-oân ê iá-kiû soán-chhiú, bo̍k-chiân tī Tiong-hôa Chit-pāng Bī-choân Liông hāu-le̍k, siú-pī ūi-tì sī iû-kek-chhiú.
| Tiuⁿ Chèng-ú 張政禹 | |||
|---|---|---|---|
.jpg) | |||
| Bī-choân Liông – No. 25 | |||
| iû-kek-chhiú | |||
Chhut-sì: 2000 nî 6 goe̍h 8 ji̍t (24 hòe) Tiong-hôa Bîn-kok Tâi-oân-séng Pîn-tong-koān | |||
| |||
| Chho͘-chhù chhut-sài | |||
| 2021 nî 7 goe̍h 13, tī Bī-choân Liông | |||
| Seng-gâi sò͘-kì thóng-kè (chì 2024 nî ûi-chí) | |||
| Táⁿ-kek-lu̍t | 0.239 | ||
| Choân-lûi-táⁿ | 2 | ||
| Táⁿ-tiám | 75 | ||
| Thau-luí | 37 | ||
| Tūi-ngó͘ | |||
|
| |||
| Seng-gâi cheng-chhái piáu-hiān kah ti̍t-chióng | |||
|
| |||
| Tit-kàu ê chióng | ||
|---|---|---|
Representing  Tiong-hôa Tâi-pak
| ||
| Lâm-chú iá-kiû | ||
| Sè-kài Iá-kiû 12-kiông Sài | ||
 |
2024 nî Tang-kiaⁿ | Thoân-tūi |
Seng-gâi
siu-káiTī Pîn-tong-koān chhut-sì, tān-sī sè-hàn ê sî tio̍h khì Ko-hiông-chhī tha̍k kok-sió kah kok-tiong, it-ti̍t kàu ko-tiong chiah tńg-khì Pîn-tong tha̍k Bí-hô Ko-tiong. 2018 nî ko-tiong pit-gia̍p liáu-āu chham-ka Tiong-hôa Chit-pāng soán-siù-hōe, tān-sī lo̍h-bóe kòng-ku bô hőng kéng tio̍h, só͘-í kè-sio̍k khì Lâm-hôa Tāi-ha̍k tha̍k-chheh, pēng-chhiáⁿ í 0.562 ê táⁿ-kek-lu̍t tī 2018 nî Choân-kok Tāi-choan Īⁿ-hāu Iá-kiû Ūn-tōng Liân-sài lāi-té tit-tio̍h kong-khai-cho͘ it-kip ê táⁿ-kek-chióng tē-it miâ. 2019 nî chham-ka sin kiû-tūi Bī-choân Liông ê chhek-chhì-sài, 4-ê táⁿ-sò͘ phah chhut 2-ki an-táⁿ; kâng-nî koh chi̍t-pái pò-miâ Tiong-hôa Chit-pāng soán-siù-hōe, pēng-chhiáⁿ tī tē-7-lûn tē-35-ūi tit-tio̍h Bī-choân Liông ê chí-miâ, khai-sí i ê chit-pāng seng-gâi[1].
2020 nî tī jī-kun chhut-sài 62-tiôⁿ pí-sài, phah-chhut 69-ki an-táⁿ, sì-ki hőng-bú-láng, táⁿ-kek-lu̍t 0.348.
2021 nî, in-ūi kū-nî hō͘ sí-kiû kiat tio̍h chiàⁿ-chhiú-té chō-sêng kut-lia̍t[2], só͘-í it-ti̍t kàu 7 goe̍h 13 chiah tī it-kun chhut-sài. 2021 nî tī it-kun lóng-chóng chhut-sài 66-tiôⁿ, ū 40-ki an-táⁿ, táⁿ-kek-lu̍t 0.212.
2023 nî 5 goe̍h 12in-ūi jia̍t-sin ê sî poa̍h-tó siong tio̍h chek-chui[3], su-iàu hioh 1-kó͘-goe̍h, lo̍h-bóe tī 7 goe̍h 15 tńg-khì it-kun. Kiû-kùi kiat-sok liáu-āu mā in-ūi Kang Khun-ú the-sak hőng kéng--ji̍p-khì Á-koan-sài[4], sī seng-gâi thâu-chi̍t-pái chham-ka kok-chè-sài[5]。2024 nî hőng kéng ji̍p-khì Sè-kài Iá-kiû 12-kiông Sài, chòe-āu Tiong-hôa-tūi tit-tio̍h tī iá-kiû 3-tōa-sài (Ò-ūn, 12-kiông, Keng-tián-sài) ê thâu-chi̍t-ê koan-kun.
Chit-pāng Seng-gâi Sêng-chek
siu-kái| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Thau-luí | Sa̋n-sín | Sì-sí | Lúi-táⁿ-sò͘ | Siang-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|
| 2021 | Bī-choân Liông | 66 | 189 | 40 | 0 | 11 | 9 | 46 | 12 | 53 | 1 | 0.212 | 0.256 | 0.208 | 0.536 |
| 2022 | Bī-choân Liông | 82 | 257 | 66 | 0 | 20 | 14 | 63 | 21 | 73 | 3 | 0.257 | 0.307 | 0.284 | 0.591 |
| 2023 | Bī-choân Liông | 78 | 198 | 44 | 0 | 16 | 9 | 36 | 21 | 60 | 4 | 0.222 | 0.295 | 0.303 | 0.598 |
| 2023 | Bī-choân Liông | 66 | 215 | 55 | 2 | 28 | 5 | 43 | 15 | 78 | 5 | 0.256 | 0.298 | 0.363 | 0.661 |
| 合計 | 4冬 | 292 | 859 | 205 | 2 | 75 | 37 | 188 | 69 | 264 | 13 | 0.239 | 0.291 | 0.307 | 0.598 |
Te̍k-sû Sū-chek
siu-kái- 2021 nî 10 goe̍h 20, tī Táu-la̍k Iá-kiû-tiôⁿ tùi-chiàn Hù-pang Hān-chiòng, tan-tiôⁿ phah chhut 2-ki saⁿ-lúi an-táⁿ kah liân-bêng kì-lo̍k pêⁿ chē, mā sī Bī-choân Liông tūi-sú thâu-chi̍t-pái[6]。
- 2024 nî 5 goe̍h 5 hō, tī Thian-bú Iá-kiû-tiôⁿ tùi-chiàn Tâi-kǹg Hiông-eng ê pí-sài, bīn-tùi Tân Pek-chheng kòng chhut seng-gâi thâu-chi̍t-hong; sī seng-gâi tē 800-ê táⁿ-se̍k chiah kòng chhut thâu-chi̍t-ki hőng-bú-láng, phah-phòa Bī-choân Liông tūi-sú siōng-chē táⁿ-se̍k ê kì-lo̍k[7]。
- 2024 nî 8 goe̍h 7 hō, Tiuⁿ Chèng-ú in-ūi chhut-hiān tī cheng-gī tiôⁿ-só͘, kah kâng tūi ê Koeh Thian-sìn, Hù-pang Hān-chiòng Chan Chùn-ga̍k 3-ê lóng hō͘ kiû-thoân kiám goe̍h-kip, pàng lo̍h-khì jī-kun kìm-sài. Tiong-hôa Chit-pāng Liân-bêng mā kong-pò͘ chhù-hoa̍t, 3-ê-lâng lóng hőng kìm-sài 7-tiôⁿ, hoa̍t 7-bān kho͘[8]。
Chham-khó Chu-liāu
siu-kái- ↑ "中職／南華大學6將加盟味全龍 葉君璋親披球衣". ETtoday新聞雲. 2019-08-01. Goân-pún bāng-ia̍h Pó-chûn tī 2022-12-06. 2023-10-24 khòaⁿ--ê.
- ↑ "觸身球骨裂開刀 張政禹最快4月復健賽". ETtoday新聞雲. 2021-03-11. Goân-pún bāng-ia̍h Pó-chûn tī 2021-11-28. 2023-10-24 khòaⁿ--ê.
- ↑ "中職》龍隊主戰游擊手張政禹傳出骨裂傷勢 葉總透露傷情". 自由時報. 2023-05-19. Goân-pún bāng-ia̍h Pó-chûn tī 2023-05-25. 2023-10-24 khòaⁿ--ê.
- ↑ "亞冠賽／江坤宇、林子豪辭退 張政禹、辛元旭進26人名單". 聯合新聞網. 2023-11-09. Goân-pún bāng-ia̍h Pó-chûn tī 2023-11-13. 2024-01-21 khòaⁿ--ê.
- ↑ "人生第一次國際賽 張政禹：忘記緊張這件事". ETtoday新聞雲. 2023-11-18. Goân-pún bāng-ia̍h Pó-chûn tī 2024-05-20. 2024-01-21 khòaⁿ--ê.
- ↑ "中職》單場2支三壘打 龍隊張政禹初獲MVP笑稱有「神預測」". 自由時報. 2021-10-20. Goân-pún bāng-ia̍h Pó-chûn tī 2022-05-21. 2023-10-24 khòaⁿ--ê.
- ↑ "中職》花800打席擊出生涯首轟！張政禹改寫隊史紀錄（影音）". 自由時報. 2024-05-05.
- ↑ "中職開鍘！ 郭天信、張政禹、曾峻岳「禁賽7場、罰款7萬」". 上報. 2024-08-07. Goân-pún bāng-ia̍h Pó-chûn tī 2024-08-07. 2024-08-13 khòaⁿ--ê.
Gōa-pō͘ Liân-kiat
siu-káiTâi-oân Pāng-kiû Wiki-koán：張政禹(Hàn-gí)
- Tiuⁿ Chèng-ú ê Facebook choan-ia̍h
- Tiuⁿ Chèng-ú tī Instagram