To̍k-bu̍t

To̍k-bu̍t tī seng-bu̍t-ha̍k it-poaⁿ sī kóng nā seng-bu̍t-thé khip-siu it-tēng liōng liáu-āu ē tī hun-chú ê chân-kip hông-gāi seng-bu̍t-thé ūn-choán ê bu̍t-chit.

Tong-bu̍t-ha̍k tang-tiong lēng-gōa ū chi̍t jī kiò to̍k-sò͘ (Eng-gí: toxin), sī tùi seng-bu̍t-thé thian-jiân sán-seng ê to̍k-bu̍t. Lēng-ōa ia̍h ū chi̍t jī sī to̍k-e̍k (venom), sī tōng-bu̍t kā mi̍h ia̍h sī tèng mi̍h ê sî-chūn chōaⁿ--chhut-lâi ê to̍k-sò͘.

Khài-liām

"To̍k-bu̍t" m̄-sī chi̍t-ê chheng-chhó ê khài-liām, ē-tàng kóng só͘-ū ê bu̍t-chi̍t hông khip-siū kàu it-tēng ê liōng liáu-āu lóng ē piàn-chò sī "ū-to̍k--ê," ia̍h tio̍h sī kóng "che-liōng chō chiâⁿ to̍k-bu̍t" (the dose makes the poison). Chóng--sī tī it-tēng ê tiûⁿ-ha̍p, pí-lūn kok-ka ê hoat-lu̍t, ē chiam-tùi to̍k-bu̍t chò giâm-keh ê tēng-gī, ha̍h he tēng-gī ê mi̍h tī i-liâu ia̍h sán-gia̍p téng hong-bīn ē siū te̍k-pia̍t koán-lí.