Thó-lūn:Lū Siù-liân

呂秀蓮

呂秀蓮

中華民國 副總統
任數	第 10-11 任
就任	2000年5月20日
卸任	2008年5月20日
總統	陳水扁
前任	連戰
後任	蕭萬長
基本資料
出世	1944年6月7日
出世地	臺灣 桃園縣
政黨	民主進步黨

呂秀蓮，祖籍福建漳州南靖書洋村，1944年6月7號，出世佇臺灣桃園縣，到今未婚。

小學畢業了後，呂秀蓮考入臺北市第一女子中學，這以後，考入臺灣大學 法律系，後來又閣佇這間大學的法律研究所讀碩士，不而過干焦讀一年著放棄， 1969年，呂秀蓮靠獎學金去到美國伊利諾大學(University of Illinois)留學深造，並且佇1971年提著"比較法律"碩士的學位，踮美國讀冊期間，伊捌專工去過一擺歐洲，和臺灣獨立建國聯盟歐洲本部的負責人張維嘉取得連繫，這是呂秀蓮這世人第一擺和海外臺獨勢力交關，嘛是因為按呢，促使呂秀蓮伐出臺獨的第一步；並且佇日後的人生路途上，愈行愈大伐。

按美國倒轉去臺灣了後，呂秀蓮捌踮"行政院法規委員會"做過科長、專員佮諮議，後來，閣捌佇中國時報佮臺灣時報擔任專欄作家，彼時，伊佇高雄佮臺北設立"保護你"專線，提倡保護婦女權利，塑造"新女性"，自按呢，沓沓仔開始進行"婦女運動"，呂秀蓮本然是國民黨黨員，毋過按1974年開始就真少參加國民黨的黨務活動，後--來伊開出版社（名號做"拓荒者"），家己做出版社的社長，此去伊行向"黨外反對勢力"這條的路途，1978年，提著美國"哈佛大學"(Harvard University) 法學碩士的學位，本然，伊決定欲佇這个時陣轉來臺灣參選桃園地區的增額立法委員，不而過後--來伊並無按呢做，顛倒是以黨外人士的身份參選桃園縣的國代代表，因為按呢，國民黨煞來開除伊的黨籍，嘛就是佇這一年的年底，美國宣布佮臺灣斷絕外交關係，呂秀蓮和50偌个國民黨的黨外人士伨頭，發表所謂的"國是聲明"，呼籲社會各界著愛"堅持主張臺灣的命運由1700萬人民家己做決定"，伊閣講"整過臺灣的歷史是一部予外來族群統治佮反抗強權的民族運動史"，強調國民黨是"外來政權"。

1979年8月，呂秀蓮參與美麗島這本雜誌的創辦，出任雜誌社社長，嘛成做後期黨外運動的主要人物，彼年的12月10號，"美麗島"雜誌社趁著紀念世界人權日的機會，佇高雄市組織集會並且攑火炬遊行踅街仔路，強烈要求政府解除"戒嚴"，開放"黨禁"佮"報禁"，後--來遭受政府鎮壓，因為參與這擺的事件，涉嫌"叛亂罪"予軍事法庭判刑12年，1984年3月，當咧服刑的呂秀蓮，因為身體無爽快，老症頭又閣發作，得著"保外就醫"的機會choâⁿ順紲出獄，在親情的幫贊之下，呂秀蓮才有法通去美國讀冊，踮美國期間，伊創辦"北美洲臺灣婦女會"，和海外的臺獨人士連繫行真近，呂秀蓮轉去推捒"婦女運動"，爭取民主自由，反抗國民黨獨裁統治，予人看做是臺灣"新女性主義創造者、推動者"佮"黨外上蓋有才情的查某人"，毋過這个時陣的呂秀蓮實際上已經完全成做"極端臺獨份子"，1988年，呂秀蓮倒轉去臺灣，隔年成做"民主人同盟會"佮"新女性聯合會"的理事長，仝年度的11月，呂秀蓮加入民進黨，此去了後，踮臺灣政壇，伊 一直透搬演著"極端臺獨人士"的角色。