技術是指所有的家私佮程序，技術包含知影按怎控制環境佮真正做到的程度；具體的項目有家私(像講設備、機械...)、方法(像講技巧、作業標準...)和材料(有加工抑無加工的攏準算)，技術較四常的意涵是用來表示人類控制自然的才調，技術嘛會得用佇較專門的範圍，比論講"電腦技術"、"醫療技術"，對科學行的先進技術有時陣號做科學技術 (科技)，技術定綴時間咧進步；毋過若基本設施出問題，技術嘛會倒退攄。
