Pang-chān:文學

一寡鶴佬創作佮翻譯的文學作品。

文學是某物款語言、時代，抑是文化等等，一个確定的群體寫作的作品總號名。對傳統的角度來講，文學予咱會當了解某一陣人（或是講民族）的價值觀佮興趣。誠濟人共文學當做學習別項文化的上好的方式的一種。

文學嘛是有揣想抑創造性的寫作的意思，對這點來講，就較講究文學的藝術價值。

若照西國的分類，一般分做散文、戲劇佮詩三大類，散文內底，包括小說佮非小說兩類，佇某一寡分類方式呢，嘛共口傳的算在內，號做口傳文學。另外嘛有閣較幼的部類，親像史詩（epic）、傳說（legend）、神話、民間歌謠（ballad），別款款式的口傳詩佮民間故事等等。