Thó-lūn:Phang-bi̍t

蜂蜜

蜂蜜

蜂蜜是一款液體的食物，是蜜蜂用花蜜製造的，做好了後，蜜蜂會共蜂蜜收囥佇蜂岫裡，蜂蜜是甜的，會使用來代替糖。 蜂蜜上早是記載佇出埃及記內底，定定佮予人歡喜佮爽神的物件做連想，佇聖經內底，上帝引予以色列人的土地就叫做流奶佮蜜的地。可蘭經(Qur’an)內底嘛有講著蜜，嘛用來譬喻好物佮歹物。 蜜就親像酒，有濟濟無仝的種類，閣隨个的滋味、色水佮料身攏無仝，一寡較四常的種類是蜜蜂用金花菜的花粉做的，遮的蜜較洘閣伊的色水佮別个比算中中仔，若接觸空氣，會較凝做固體。 鏽球花彼類的嘛予蜂提來做閣一款定定看的蜂蜜。 閣有一寡花，比論滿山紅佮杜鵑花，會予做出來的蜜有毒，人食了有敗害，毋閣蜜蜂就無影響，人若食著這類的蜂蜜，就若食著迷幻劑，行放會無定著閣失去控制。