Thó-lūn:N̂g Bûn-hiông (chèng-tī-ka)

黃文雄

區別頁：有幾若个人號做黃文雄

黃文雄（1937年10月2— ），臺灣獨立運動的參與者，1970年美國紐約市424刺蔣案的主角，捌擔任過臺灣人權促進會會長，中華民國國策顧問，專門負責佮人權有關係的議題。

黃文雄1937年出世佇臺灣新竹西門的林家大厝，外公是林占梅的後代，老爸捌做過新竹水道水水廠的廠長，1950年代，退守臺灣的國民黨，為著安定政治局勢，實行大規模的掃"共匪仔"行動，島內會使講是人人自危，真濟異議人士因為按呢予人掠起來關入監牢，黃文雄的老爸是一个老實的公務人員，嘛因為這款的白色恐怖煞變做犯人入監。

黃文雄佇新竹中學畢業了後，考牢國立政治大學新聞系，後來佇媽祖離島東犬島(東莒)做兵，退伍了佇1963年捌讀一冬政治大學的新聞研究所，伊佇1964年得著美國匹茲堡大學(University of Pittsburgh)的獎學金，到遐讀社會學研究所，1966年轉去康乃爾大學(Cornell University)社會學博士班，佇彼時的反戰運動佮學生運動中攏真活顯。