Au-chiu An-choân kap Ha̍p-chok Cho͘-chit

Au-chiu An-choân kap Ha̍p-chok Cho͘-chit (Eng-gí: Organization for Security and Co-operation in Europe, OSCE) sī thong-sè-kài siōng-toā--ê í an-choân ûi bo̍k-tek ê khoà-chèng-hú cho͘-chit. I sêng-li̍p ê bo̍k-phiau pau-koat bú-khì koán-chè, jîn-koân, sin-bûn chū-iû, kap pêⁿ-chiàⁿ ê soán-kí téng-téng ê gī-tê. Ū chhiau-koè 3,500 ê kang-chok jîn-oân, chit lāi-té toā-pō͘-hūn lóng chhe khì tī ta̍k só͘-chāi chò khang-khoè, kan-taⁿ liōng-kî-iok 10% sī tī i ê chóng-pō͘ siōng-pan.

Au-chiu An-choân kap Ha̍p-chok Cho͘-chit
kî-á hui-chiong
hoē-oân
pì-su-chhù	Ò-tē-lī Wien
gí-giân	Eng-gí Hoat-gí Lō͘-se-a-gí Se-pan-gâ-gí Tek-gí Í-tāi-lī-gí
Lūi-hêng	Kok-chè cho͘-chit
Hoē-oân	57 kok
Kiàn-li̍p
• Kiàn-li̍p	1975 nî (1975)
Bāng-chām osce.org

OSCE sī tī Liân-ha̍p-kok Hiàn-chiong (Tē VIII Chiuⁿ) ē-kha ê 1 ê te̍k-sû ki-kò͘, i ê cho͘-li̍p kap liōng-chá tî-hông, phiah-bián chhiong-tu̍t, gûi-ki koán-lí hām chhiong-tu̍t liáu-aū ê khoe-ho̍k ū koan-hē. Taⁿ i ū 57 kok chham-ka, chiah-ê kok-ka pau-koat Au-chiu--ê, Caucasus tē-khu, Tiong-a, kap Pak Bí-chiu, chha-put-to pak-poàn-kiû lóng tī i hoē-oân kok ê léng-thó͘--ni̍h.

Chit-ê cho͘-chit sī tī Léng-chiàn ê kî-kan chiâⁿ-chò tang-se-hang lūn-toâⁿ ê lō͘-iōng lâi sêng-li̍p--ê.

Pa̍t-ê bāng-chām

• OSCE ê koaⁿ-hong bāng-chām
• OSCE chhiú-chheh
• OSCE Bí-kok phài tī OSCE ê tāi-piáu-chhù
• OSCE OSCE phài tī Bosna kap Hercegovina ê tāi-piáu-chhù