Chèng-tī ê jîn-seng
Tsìng-tī ê jîn-sing (hân-gú: 政治的人生), sī tsi̍t-pún Tiong-kiōng tē-19 kài tiong-iong tsing-ti-kio̍k siông-uí, hông tsàn-ū uî "Tiong-lâm-hái siú-si̍k tì-lông" ê Ông Hóo-lîng sóo siá ê ji̍t-kì, tī 1995-nî iû Siōng-hái jîn-bîn tshut-pán-siā tshut-pán. Tsit-pún ji̍t-kì, kì-lio̍k Ông Hóo-lîng ê kò-jîn sing-ua̍h, tsìng-tī lí-lūn gián-kiù, su-phîng kah iánn-sī tsok-phín sióng-sik; tuì sè-kài hām Tiong-kok, siā-huē būn-tê ê su-khó.
| Chok-chiá | Ông Hóo-lîng |
|---|---|
| Original title | 政治的人生 |
| Kok-ka | Tiong-kok |
| Gí-giân | Hân-gú: |
| Tê-châi | Ji̍t-kì |
| Lūi-hêng | Tsū-tuān |
| Chhut-pán-siā | Siōng-hái jîn-bîn tshut-pán-siā |
Chhut-pán ji̍t-chí | 1995-1 |
| Mûi-thé | Tsuá-pún (pîng- tsong su) |
| Chheh-ia̍h | 237 |
| ISBN | 9787208019409 |
| Bāng-chām | 政治的人生 (豆瓣读书) |
Tsū-sī
siu-káiTuì it-puann ê to̍k-tsiá kî-thāi ê kuann-tiûnn tsìng-tī sing-ua̍h kái-tho̍k, su tiong pīng-bô siap-ki̍p tio̍h. Teh tsū-sū tang-tiong, Ông Hóo-lîng án-ne kái-sueh: "Ē án-ne khí-miâ tsò "Tsing-ti ê jîn-sing" (政治的人生), pīng m̄-sī teh kóng tsi̍t-tsióng tsìng-tī ê king-li̍k. Tsū-án-ne, tio̍h-sī teh kóng, tsò tsi̍t-ê tsìng-tī ha̍k-tsiá, guá ê tuā-pōo-hūn sî-kan lóng iōng-lâi tsò guá-ê tsuan-gia̍p ha̍k-būn; kàu-kah, tsit-ê ha̍k-būn tsiàm-tio̍k guá tsua̍t tāi-pōo-hūn ê sing-bīng" (之所以起名為 "政治的人生", 並非指一種政治的經歷, 而是說, 作為一名政治學的學者, 我的大部分時間均用來作我的專業學問了, 以至這一學問占據了我絕大部分的生命).[1]
Luē-iông
siu-káiTeh su tiong, to̍k-tsiá ē-tàng khui-sī Ông Hóo-lîngê kò-jîn sè-kài, kah hit ê sî-tāi ê siā-huē su-khó. Khang-khuè tsò-liáu tsiânn àm, Ông Hóo-lîng mā ài tsia̍h khong-sai-hū phàu-bīn tsí-iau. Siu--tio̍h Ji̍t-pún Kobe tāi-ha̍k hóng-mn̄g iau-tshiánn, koh ài thiām tsi̍t-tui piau-tuann, tuann-lāi ê luē-iông iù-kàu "tshoo-tiong tá-tsi̍t-kang pit-gia̍p" ê piáu-keh, hōo Ông Hóo-lîng put-jiân kî-huân thòng-phue "Piáu-keh tsú-gī", tsuè-āu "hā-tīng kuat-sim buâi-khì, tòng-bē-tiâu tsit-khuán hîng ê tiâu-tsa". Ông Hóo-lîng sńg Tāi hù-ong (大富翁) ê iû-hì, bé-tē, tshá-kóo, tsuè-āu lóng su liáu-liáu. Pa̍t-lâng tshiánn Ông Hóo-lîng tsia̍h tsi̍t-tsiah 200 khoo ê tsîm-á hōo i suah-lâi kiann-tio̍h; Ông Hóo-lîng i siunn-tio̍h kan-khóo gín-á, koh su-khó bu̍t-kè kah hiān-si̍t ê khiàm-khuat lô-tsi̍p. Tsìng-tī lí-lūn hong-bīn, ji̍t-kì lāi-té Ông Hóo-lîng tsú-tiunn teh Tiong-kok tsit-khuánn ê tshiau tuā siā-huē; teh tsu-guân siong-tuì pîn-ha̍t ê tsîng-hóng hā, ing-kai tsi̍p-tiong li̍k-liōng thui-tsìn hiān-tāi-huà. M̄-kuh tsit-ê kuè-tîng, su-iàu thóng-it ê líng-tō kah hia̍p-tiau ê hi̍k-sim.Lî-tshiánn thóng-it tsè-tīng tsiàn-lio̍k hām tiâu-phuè li̍k-liōng, mā ū-huat-tōo lâi pó-tsìng kok-ka khiā-tī iú-lī ê kok-tsè tē-uī; ìng-tuì kok-tsè kìng-tsing, thui-tōng kok-ka ho̍k-hing.[1][2]
Su-tiong kì-lio̍k, Ông Hóo-lîng ê ua̍t-to̍k kah kuan-iánn tsiânn-tsē, tsiàm bē-tsió ê phian-hok. Put-tān ū Huat-kok ê "Tsū-jiân kho-ha̍k" (自然科學) tsa̍p-tsì, To̍k-su tsa̍p-tsì (讀書 (雜誌)) tíng-tíng kî-khan; mā ū "So-thóo" (騷土), "Kiò-i̍k" (媾疫), "Thian-lia̍p" (天獵), "Tè-king" (帝京) tíng-tíng siáu-suat; iah-koh ū "Kū tsè-tōo kah Huat-kok tāi kik-bīng" (舊制度與法國大革命)' "Tsan Kok-huan" (曾國藩) tíng-tíng su-tsi̍k. Tsheh lāi ū hián-sī , Ông Hóo-lîng teh tsi̍t-nî ê tsi-kan ū khuànn "Kiann-too kì-sū" (京都紀事), "Ī-hîng 1" (異形1), "Óng-sū" (往事), Huî-hiám kuan-hē (危險關係), "I̍k-sik hiat-àn" (浴室血案), Í hū tsi bîng (以父之名), "Schindler ê bîng-tan" (辛德勒的名單) tíng-tíng 10 guā-pōo tiong-guā ê iánn-sī tsok-phín.[1]
Tsù-kái
siu-kái- ↑ 1.0 1.1 1.2 "媒体：王沪宁22年前的"政治日记"写了啥？". news.ifeng.com. Goân-pún bāng-ia̍h Pó-chûn tī 2018-03-13. 2018-03-13 khòaⁿ--ê. (Hàn-gí)
- ↑ "为了忘却的记录 | 读王沪宁《政治的人生》(1994)". www.sohu.com. 2017-10-25. Goân-pún bāng-ia̍h Pó-chûn tī 2018-03-17. 2018-03-17 khòaⁿ--ê. (Hàn-gí)
Tsham-ua̍t
siu-kái- Í hū tsi bîng (tiān-iánn) (以父之名)
- Huî-hiám kuan-hē (sió-suat) (危險關係)
- Schindler ê bîng-tan (辛德勒的名單/Schindler ê miâ-tuann)
- Kobe tāi-ha̍k (Kobe University)
- pió-keh (piau-tuann)
- Ji̍t-kì
- Pîng- tsong su
Guā-pōo liân-kiat
siu-kái- 《政治的人生》本文 (Hàn-gí)
- 长篇小说《媾疫》自序 (Hàn-gí)