Chhân-eⁿ

?Chhân-eⁿ
Sympetrum flaveolum
Seng-bu̍t-ha̍k hun-lūi
Kài: Animalia Mn̂g: Arthropoda Kong: Insecta Bo̍k: Odonata A-bo̍k: Epiprocta Ē-bo̍k: Anisoptera Selys, 1800
Kho
Aeshnidae Austropetaliidae Cordulegastridae Corduliidae Gomphidae Libellulidae Macromiidae Neopetaliidae Petaluridae

Chhân-eⁿ sī Odonata-ba̍k ê khun-thiông, ū tōa-lúi ho̍k-gán, 2 tùi tn̂g-tn̂g thàu-bêng ê si̍t-á, kap lò-tn̂g ê sin-khu. Chhân-eⁿ ê ba̍k-chiu put-chí-á lāi. In it-poaⁿ chia̍h báng-thâng (báng-á, hô·-sîn), phang, bé-ia̍h téng-téng ê sè-chiah thâng. Chhân-eⁿ tiāⁿ tī chúi-tî-á, khe-á, làm-tē hù-kīn chhut-hiān. In bē tèng lâng.

Tùi nn̄g sǹg khí, chhân-eⁿ ê sèⁿ-miā siōng té 6-kó·-go̍eh, siōng tn̂g sīm-chì ū 6~7 tang kú. Chit tōaⁿ sî-kan tōa-pō·-hūn sī iù-thiông (chhu-thâng) ê hêng, hō chò chúi-ge̍k; in tiàm chúi-lāi lia̍h kî-tha bô-liông-kut-lūi (invertebrate) ê thâng chia̍h, chhin-chhiūⁿ tō·-koai-á, báng-á-chhu, kap sè-boé-á hî. Lī-khui chúi ê sêng-thâng khah tōa-hêng ê chéng ū-hoat-tō· oa̍h 4-kó·-go̍eh.

Chhân-eⁿ ê ba̍k-chiu iok-lio̍k ū 3-bān-lia̍p sió-gán (facet), ū kīn 360-tō· ê sī-le̍k, tùi lia̍h khong-tiong ê poe-thâng ū pang-chān.