Chiong-boa̍t ê Izetta

Chiong-boa̍t ê Izetta (終末のイゼッタ, Shūmatsu no Izetta, lit. Izetta of the End, mā choán-siá chò Izetta, Die Letzte Hexe) sī 2016 nî Ji̍t-pún kî-hoàn tōng-ōe hē-lia̍t. I tī 2016 nî 6 goe̍h chhe-cha̍p khai-sí koan-hong bāng-chām kap hòng-sàng chi̍t-ki iáⁿ-phìⁿ. Chit-ê hē-lia̍t iû Ajia-do Animation Works chè-chok,  Masaya Fujimori tō-ián, ùi 2016 nî 10 goe̍h chhe-it kàu 12 goe̍h 17 ji̍t hòng-sàng.

Chiong-boa̍t ê Izetta
終末のイゼッタ (Shūmatsu no Izetta)
Lūi-hêng	Action, fantasy
Anime television series
Tō-ián	Masaya Fujimori
Chè-chok	Tatsuya Yamaguchi Shin'ichiro Ozawa
Pian-kio̍k	Hiroyuki Yoshino
Im-ga̍k	Michiru
Chè-chok kong-si	Ajia-do Animation Works
Siū-khoân	NA Crunchyroll
Hòng-sàng	AT-X, Tokyo MX, SUN, BS11
Hòng-sàng kî-kan	October 1, 2016 – December 17, 2016
Chi̍p-sò͘	12

Tāi-kong

Kò͘-sū sī tī-leh teh-beh Tē-jī-kài Sè-kài Tāi-chiàn ê kè-khang ê tē-kiû, Izetta sī chòe-āu chi̍t-ūi ang-î, ē-sái chhau-khòng i chhiok-bong ê mi̍h-kiāⁿ. Izetta siūⁿ-beh pó-hō͘ Finé kap Alps soaⁿ-téng ê kok-ka Eylstadt bē-hō͘ Germania chhim-lio̍k.

Kak-sek

Chú-iàu kak-sek

Izetta (イゼッタ, Izetta)

Voiced by: Himika Akaneya (Japanese); Skyler McIntosh (English)

15 hòe ê Izetta tī gín-á-sî kap Finé Kong-chú sio-bat, sī Eylstadt ê Weisse Hexe chòe-āu ê hō͘-ē. Tī kò͘-sū khai-sí chìn-chêng, i ūi-tio̍h ài pó-hō͘ in chó͘-sian ê î-sán, kap in a-má sì-kè lú-hêng. Chiàn-cheng khai-sí ê sî, i koat-sim beh pó-hō͘ Finé kap Eylstadt, in-chhú chhiok-hoān i ê kìm-kī, iōng i-ê le̍k-liōng kan-sia̍p jîn-lūi ê miā-ūn. Izetta ē-sái hō͘ bú-khì î-tōng kap ka-kiông in ê kiông-tō͘. Tān-sī, chit-ê le̍k-liōng óa-khò ley line, tī bô-kâng ê só͘-chai ē ū bô-kâng ê le̍k-liōng. I tiāⁿ-tiāⁿ khiâ tī chit-ki hoán chiàn-chhia pō͘-chhèng, sui-jiân i mā ē-sái khiâⁿ tī pa̍t-hāng mi̍h-kiāⁿ, hó-pí sī mâu.

Ortfiné "Finé" Fredericka von Eylstadt (オルトフィーネ・"フィーネ"・フリーレリカ・フォン・エイルシュタット, Orutofīne "Fīne" Furederika fon Eirushutatto)

Voiced by: Saori Hayami (Japanese); Mallorie Rodak (English)

Finé sī Eylstadt ûi-it ê kè-sêng-lâng. I gōa-hiòng, siān-liông, ì-chì kian-kiông, chin siū jîn-bîn ê ài-tài, tī in lāu-pē kòe-sēng liáu-āu thóng-léng kok-ka bīn-tùi Germania ê ji̍p-chhim. Finé kap Izetta tī gín-á-sî sio-bat, jî-chhiáⁿ i bē kiaⁿ-hiâⁿ Izetta ê le̍k-liōng, tian-tò chin him-sióng, sīm-chì pó-hō͘ i bē-hō͘ pō-bîn kong-kek. In-ūi in ê ì-ài kap Weisse Hexe chiaⁿ-si̍t ê kò͘-sū, i hoan-ló Izetta ê an-choân, m̄-goān hō͘ Izetta khì-kàu chiàn-tiûⁿ.

Eylstadt

Eylstadt sī Alps soaⁿ-téng ê sió kok-ka, siú-to͘ sī Landsbruck (Tek-gí chèng-khak ê siá-hoat: Landsbrück). Chit-ê kok-ka sī tī sai-pêng ê Ò-tē-lī, pau-hâm Tyrol kap Vorarlberg, i ê siú-to͘ sī chham-khó Innsbruck. Kok-kî bīn-téng ê chu-kù sī "Ich bin tapfer und bin fromm" (ì-sù: "Góa ióng-kám koh khiân-sêng"). In ê kun-tūi chong-pī chham-khó World War I kap II chi-kan ê Hoat-kok Kun-tūi. Germania beh cheng-ho̍k Eylstadt ūi-tio̍h beh khui chit-tiâu lō͘ kàu in ê bêng-iú Romulus Liân-pang, hō͘ in kāng-chê ji̍p-chhim Tē-tiong-hái kap Hui-chiu.

Rudolf (ルドルフ, Rudorufu)

Voiced by: Toshiyuki Morikawa (Japanese); Philip Weber (English)

Eylstadt Tāi-kong, tī Germania ji̍p-chhim khai-sí āu sí-khì, kiông-pek in cha-bó͘-kiáⁿ kè-sêng i-ê ūi.

Sieghard Müller (ジークハート ミューラ, Jīkuhāto Mūra)

Voiced by: Hiroki Takahashi (Japanese); Christopher Wehkamp (English)

Sieghart "Sieg" Müller sī Kong-chiok Ông-kiong lāi ê kò͘-būn, in-tau ho̍k-sāi Kong-chiok kúi-nā sè-tāi. I hū-chek kok-ka ê chêng-pò kap hoan-chêng-pò chok-chiàn. Jonas hoat-hiān Izetta le̍k-liōng ê chè-hān ê sî, I ūi-tio̍h "raison d'etat" kā-i thâi--sí, tān-sī iû-goân hiō-hóe chit-kiāⁿ tāi-chì. In-chhú, Müller tī chòe-āu 1 chi̍p hō͘ chi̍t-ê seⁿ-chò chhin-chhiūⁿ Jonas ê Germania peng-á thâi--sí. 

Bianca (ビアンカ, Bianka)

Voiced by: Aya Uchida (Japanese); Madeleine Morris (English)

Bianca sī Eylstadt Ông-ka Sī-ōe ê tūi-tiúⁿ kap Finé ê hō͘-ōe. Chi̍t-khai-sí m̄ sìn-jīm Izetta, tān-sī āu-lâi chai-iáⁿ i-ê chin-sim liáu-āu tio̍h kap tùi Finé kāng-khoán chiàu-kò͘ i.

Lotte (ロッテ, Rotte)

Voiced by: Nao Tōyama (Japanese); Jill Harris (English)

Lotte sī kiong-têng lāi chi̍t-ê oa̍h-phoat ê lí-po̍k, hū-chek chiàu-kò͘ Izetta. In-tau tī Eylstadt ê kū siú-to͘ khui chi̍t-keng lú-koán.

Elvira Friedmann (エルヴィラ フリードマン, Eruvuira Furīdoman)

Voiced by: Kana Hanazawa (Japanese); Tia Ballard (English)

Elvira sī Finé ê ka-têng kàu-su, kòe-khì tī Atlanta Liân-pang kúi-nā keng pò-siā kap tiān-tâi chò kì-chiá. Tī Müller ê kiàn-gī hā, i chiâⁿ-chò Izetta ê kò-jîn kò͘-būn ūi-tio̍h thê-ko Eylstadt ê sū-khì.

General Schneider (シュナイーダ, Shunaīda)

Voiced by: Kōzō Shioya (Japanese); Jeremy Schwartz (English)

Eylstadt kun-tūi ê chóng-su-lēng.

Warmer (ヴァルマー, Vuarumā)

Voiced by: Ryunosuke Watanuki (Japanese); Ben Phillips (English)

Finé ê siú-siòng kap i-ê kò͘-būn.

Hans Obermayer (ハンス オベルマヤ, Hansu Oberumaia)

Voiced by: Kenn (Japanese); Haulston Mann (English)

Hans sī Eylstadt's Schweizen Pó-lúi ê tùi-tiúⁿ. Tī pó-lúi lûn-hām kap pang-chō͘ Finé kap Izetta tô-bông liáu-āu, i chiâⁿ-chò Finé siōng sìn-jīm ê lâng chi-it.

Koontz (シュナイーダ, Kōntsu)

Voiced by: Shinya Takahashi (Japanese); Chris Ryan (English)

Müller chhiáⁿ ê thàu-á, ūi-tio̍h Tāi-kong ka chò chin-chē bē-sái hŏng chai-iáⁿ ê tāi-chì.

Jonas Gallea (ヨナス ガレラ, Ionasu Garera)

Voiced by: Hiroyuki Endo (Japanese); Jean-Luc Hester (English)

Chi̍t-ê siàu-liân ê peng-á, chhù-lāi ū chi̍t-ê sió-tī kap nn̄g-ê sió-mōe. Tī bô-tiuⁿ-tî thiaⁿ--tio̍h koan-î Izetta ê jio̍k-tiám liáu-āu, i hō͘ Germania ê thàu-á Lorenz keng-kháu-keng, chi-āu hō͘ Müller chhèng-sat ūi-tio̍h pó-bi̍t.

Tobias (トビアス, Tobiasu)

Voiced by: Junji Majima (Japanese); Kyle Phillips (English)

Tobias sī pôe Finé kàu Westria ê hō͘-ōe chi-it. I tī pang-chō͘ Finé ùi hóe-chhia tô-bông ê sî hō͘ Berkman chhèng-sat.

Hermann (ヘルマン, Heruman)

Voiced by: Ryōtarō Okiayu (Japanese); Ben Bryant (English)

Pó-hō͘ Finé kàu Westria ê hō͘-ōe chi-it. I tī Finé hŏng lia̍h-khì ê sǐ hō͘ Germania te̍k-bū chhèng-sat.

Weisse Hexe (ヴァイス ヘクセ or 白き 魔女, Vaisu Hekuse or Shiroki Majo)

Weisse Hexe (Tek-gí ê "pe̍h-sek ang-î ) sī kó͘-chá Eylstadt ê siú-hō͘-chiá. I kap Eylastadt ê ông-chú sio-ài, tān-sī Ông-chú tī sí--khì chìn-chêng hoan-ló ang-î ê tāi-chì ē hō͘ Kàu-hōe chai-iáⁿ, hō͘ i ê kok-ka chiâⁿ-chò ī-toan, in-chhú i kap ang-î chhut-bē hō͘ Ī-toan Sím-būn. Tān-sī, Germania iōng i ê sè-pau kā i hok-chè, chiâⁿ-chò Germania ê bú-khì. (Chham-khòaⁿ ē-kha ê Sophie.)

Germania

Germania í Nazi Germany ûi goân-hêng ê kun-sū kiông-kok, sui-jiân khòaⁿ--khì-lâi khah siūⁿ chiàn-chêng ê German Empire. I ê siú-to͘ kiò-chò Neu-Berlin, gōa-māu sī chham-khó Albert Speer siat-kè hō͘ Hitler ê "World Capital Germania". 

Arnold Berkmann (アーノルド ベルクマン, Ānorudo Berukuman)

Voiced by: Junichi Suwabe (Japanese); John Burgmeier (English)

Germania ê te̍k-bū ki-koan ê siáu-hāu. Sui-jiân khòaⁿ-khí-lâi sī tùi i-ê kok-ka chin tiong-sim, kî-si̍t sī ē khòaⁿ hong-hiòng hoán-kháu-keng. Tī i hŏng tiàu-lī Ang-î ê chok-chiàn, pēng-chhiáⁿ hō hông-tè hā-lēng chhú-sí ê sî, i sûi kā i-ê chêng-pō bē hō͘ Eylstadtians. Tī chiàn-cheng ê siōng-bóe, i koh kā i-ka-kī kap Tē 9 Gián-kiú-só ê pì-bi̍t bē hō͘ Atlanta Liân-pang.

Sophie (ゾフィー, Zofī)

Voiced by: Sora Amamiya (Japanese); Jad Saxton (English)

Germania Tē 9 Gián-kiú-só͘ chè-chok ê Weisse Hexe ê hok-chè jîn. Chi̍t-khai-sí bô ka-kī ê ì-chì, óa-khò Izetta ê hoeh chiah khoe-ho̍k i-ê kì-ek. In-ūi hō͘ kó͘-chá ê Eylstadt hoán-pòe, i ūi-tio̍h chhin-sin húi-bia̍t Eylstadt, chiâⁿ-chò Hông-tè ê ke-si. I iōng pòaⁿ-lia̍p mô͘-hoat tio̍h chi̍p-tiong tāi-tē ê mô͘-le̍k, tān-sī in-jî kiám-chió i-ê sèⁿ-miā. I tī Izetta chi̍p-tiong choân-sè-kài ê mô͘-le̍k, pek i ài chò kâng-khoán ê tāi-chì ê sî, sin-thé bē-kham, sí--khì.

Rickert Bisterfelt (リッケルト ビスタフェルト, Rikkeruto Bisutaferuto)

Voiced by: Natsuki Hanae (Japanese); Derick Snow (English)

Berkmann só͘-sio̍k ê te̍k-bū ki-koan ê siáu-ùi, chhut-sin kùi-cho̍k, sī Berkmann ê chó-iū-chhiú. Tī Germania thàu-á ê pang-chō͘ hā, i chǹg kàu Eylstadt ê kū siú-to͘, hoat-hiān Weisse Hexe ê pì-bi̍t, tān-sī hŏng hoat-kak liáu-āu hō͘ Bianca chhèng-sat.

Otto (オットー, Ottō)

Voiced by: Kōichi Yamadera (Japanese); Brandon Potter (English)

Germania ê hông-tè, goân-hêng sī Adolf Hitler kap Wilhelm II. I siong-sìn ang-î ê chûn-chāi, in-ūi i chai-iáⁿ Weisse Hesse khak-si̍t chûn-chāi, jî-chhiáⁿ beh lī-iōng chit-ê le̍k-liōng cheng-ho̍k sè-kài. I tī .1941 nî Bêng-kun kong-hā Neu-Berlin ê sî tī Hông-kiong lāi chū-sat.

Elliot (エリオット, Eriotto)

Voiced by: Daisuke Hirakawa (Japanese); Dave Trosko (English)

Elliot sī Hông-tè tiāⁿ-tiāⁿ hut-sī ê thâu-ūi kò͘-būn.

Basler (バスラー, Basurā)

Voiced by: Yoshimasa Hosoya (Japanese); Jeffrey Schmidt (English)

Germania khong-kun siōng-ùi, ông-pâi poe-hêng-oân. I chú-tō tī Finé kàu Germania ê kóng-hô hōe-gī chìn-chêng kā i lia̍h-khì, tān-sī bô-hoat-tō͘ chó͘-chí Berkmann cháu-khau. I tùi i-ê kok-ka chin tiong-sim, tī chiàn-cheng ê chòe-āu koh khì chip-hêng i-ê chòe-āu ê jīm-bū.

Elisabeth (エリザベート, Erisabēto)

Voiced by: Kikuko Inoue (Japanese); Leah Clark (English)

Germania ê ko-kai koan-oân, Tē 9 Gián-kiù-só͘ ê chú-koán.

Lorenz (ローレンツ, Rōrentsu)

Voiced by: Shuusaku Shirakawa (Japanese); Alejandro Saab (English)

Germania ê siōng-ùi, chǹg kàu Eylstadt ê kun-tūi lāi chò thàu-á, hoat-kak Jonas hoat-hiān Izetta ê jio̍k-tiám. I kap Rickert tī chǹg kàu ū Hexe Weisse ê pì-bi̍t ê siâⁿ-pó āu hō͘ Ông-ka Ōe-tūi chhèng-sat.

Görtz (ゲルツ, Gerutsu)

Voiced by: Kōji Yusa (Japanese); Michael Johnson (English)

Hū-chek chhōa Finé kap Izetta kàu Neu-Berlin ê Germania kun-koaⁿ. I tī Izetta cheng-sîn āu hŏng sat.

Kî-thaⁿ

Lord Redford (レッドフォード, Reddofōdo)

Voiced by: Mitsuaki Hoshino (Japanese); Cole Brown (ep. 1–6), David Wald (ep. 7 onwards) (English)

Britannian Gōa-bū Tāi-sîn, tông-chêng Eylstadt.

Izetta ê A-má (イゼッタの祖母, Izetta no sobo)

Voiced by: Hirano Fumi

Izetta ê a-má, kà i mô͘-hoat. I tī kò͘-sū khai-sí chìn-chêng tio̍h sí--khì à.

Mûi-thé

Tōng-ōe

Chit pō͘ tōng-ōe iû Ajia-do Animation Works chè-chok, tī Ji̍t-pún ùi 2016 nî 10 goe̍h 1 ji̍t kàu 12 goe̍h 17 ji̍t hòng-sàng. Ū Eng-gí jī-bō͘ ê pán-pún iû Crunchyroll, kap Funimation ùi 2016 nî 10 goe̍h 19 ji̍t hòng-sàng. Phìⁿ-thâu-kio̍k sī "Cross the Line", sī Akino kap bless4 chhiùⁿ--ē ,  phìⁿ-bóe kio̍k sī "Hikaru Aru Basho e" (光ある場所へ, To a Place With Light), iû May'n ián-chhiùⁿ.

Gōa-pō͘ Liân-kiat

• Koaⁿ-hong Bāng-chām (Ji̍t-gí)