Hông-tè Khiā-gô
| ?Hông-tè Khiā-gô | ||||||||||||||
|---|---|---|---|---|---|---|---|---|---|---|---|---|---|---|
| ||||||||||||||
| Tiàm tī Lâm-ke̍k Tāi-lio̍k Snow Hill Island | ||||||||||||||
| Pó-io̍k chōng-hóng | ||||||||||||||
| Seng-bu̍t-ha̍k hun-lūi | ||||||||||||||
| ||||||||||||||
| Ha̍k-miâ | ||||||||||||||
| Aptenodytes forsteri Gray, 1844 | ||||||||||||||
 Hông-tè Khiā-gô ê hoān-ûi
(hoân-si̍t ūi-tì oē chheⁿ-sek) |
Hông-tè Khiā-gô (ha̍k-miâ Aptenodytes forsteri) sī só͘-ū ê khiā-gô tang-tiong siāng lò koh toā-châng ê chiáu-chéng. In sī Lâm-ke̍k Tāi-lio̍k ê te̍k-iú-chéng. Kang--ê bó--ê goā-hêng sio-siâng, koân chì 122 cm, tāng 22 chì 45 kg. Thâu kap kha-chhiah-phiaⁿ sī o͘-sek, pak-tó͘ pe̍k-sek, hêng-khám lio̍h-á n̂g, oá hīⁿ-á chhim n̂g; o͘ pe̍h hun-bêng. Chhan-chhiūⁿ kî-tha ê khiā-gō sī bē poe ê chiáu-á, ū liū-soàⁿ-hêng ê hêng-khu kap ngē-ngē ê si̍t-á, sek-ha̍p hái-iûⁿ ê khoân-kéng.
Sek-èng koâⁿ ê ki-lêng
siu-káiTī só͘-ū ê chiáu-lūi tang-tiong, Hông-tè Khiā-gô ū siāng kài koâⁿ ê hoân-si̍t khoân-kéng. Khong-khì ê un-tō͘ ē-tàng lak kah −40 °C, hong-sok ū-sî kàu 144 km/h. Sek-èng koâⁿ ê ki-lêng ū kúi-ā-chióng: In ê si̍t-á thê-kiong 80–90% ê pó-un hāu-kó, jī-chhiáⁿ phoê-hā ū 1 têng chí-hông, siāng kāu chì 3 cm (tī hoān-si̍t chêng). Ú-mn̂g ê bi̍t-tō͘ sī só͘-ū ê chiáu-lūi siāng koân--ê.
Hoân-si̍t chiu-kî
siu-kái