Hok-kiàn Phó͘-thong-ōe

Hok-kiàn Phó͘-thong-ōe (福建普通話), mā kiò chò Bân-phó͘ (閩普) tī Tiong-kok Hok-kiàn tē-khu liû-thong, sī Hok-kiàn-lâng siū-tio̍h Bân-gí khiuⁿ-kháu kap gí-lūi éng-hióng ê Phó͘-thong-ōe. In-ūi Hok-kiàn bô-kāng só͘-chāi ê Bân-gí gí-im chha-ī chiâⁿ tōa, só͘-í koh pun chò Hok-kiàn bô-kāng tē-khu ê Phó͘-thong-ōe. Kî-tiong, sú-iōng jîn-sò͘ siāng chē ê Bân-lâm Phó͘-thong-ōe chiū sī siū-tio̍h Bân-lâm-gí gí-im éng-hióng ê Phó͘-thong-ōe. Tâi-oân mā ū siū Tâi-gí khiuⁿ-kháu ia̍h iōng-sû éng-hióng ê kháu-im, hō-chò Tâi-oân Kok-gí.