Kuwata Keisuke
Kuwata Keisuke (Ji̍t-bûn: 桑田 佳祐; Hô-ló-bûn: Song-tiân Ka-iū; 1956 nî 2 goe̍h 26 ji̍t chhut-sì ) sī Ji̍t-pún ê cha-po͘ koa-chhiú; tī Kanagawa-koān ê Tigasaki-chhī chhut-sì; khah-chá sī Southern All Stars ê chú-chhiùⁿ kiam gì-tah-chhiú. In bó͘ mā sī Southern All Stars ê sêng-oân Hara Yuko, nn̄g-lâng bo̍k-chêng ū 2-ê hāu-seⁿ.
| Kuwata Keisuke Song-tiân Ka-iū | |
|---|---|
| Cha-po͘ koa-chhiú | |
| Goân-bûn miâ |
桑田 佳祐 くわた けいすけ |
| Kok-che̍k |
 Ji̍t-pún |
| Chhut-sì |
1956 nî 2 goe̍h 26 ji̍t (68 hòe) Ji̍t-pún Kanagawa Tigasaki |
| Chit-gia̍p | koa-chhiú, chok-sû-ka, chok-khek-ka |
| Ang-bó͘ | Hara Yuko |
| Im-ga̍k lūi-hêng | JPOP, iô-kún-ga̍k |
| Oa̍h-hiáⁿ sî-tāi | 1978-nî kàu taⁿ |
| Bāng-chām |
www |
Chū Kuwata tī Aoyama Ha̍k-īⁿ Tāi-ha̍k tha̍k-chheh ê sî-chūn, tiō chin jia̍t-tiong ga̍k-thoân ê oa̍h-tāng. I bat cho͘-chit chē-chē ga̍k-thoân, i chòe-āu chi̍t ê ga̍k-thoân chiū-sī Southern All Stars (chit-ê thoân-miâ sī pêng-iú hō--ê). Chok-ûi Southern All Stars ê chú-chhiùⁿ kap chē-chē chok-phín koa-sû kap koa-khek ê chhòng-chok-chiá, Kuwata sī kui-ê ga̍k-thoân ê só͘-ū sêng-oân tiong, siāng-kài chhut-miâ ê chi̍t ūi.
