Le̍k-tó Ki-tiûⁿ

Le̍k-tó Ki-tiûⁿ (IATA: GNI, ICAO: RCGI) sī Le̍k-tó î-it ê ki-tiûⁿ, tiàm tī Lâm-liâu-chhoan. Tek-an Hâng-khong sī î-it ê hâng-khong kong-si, poe Tâi-tang. Tâi-tang Hâng-khong-chām hū-chek koán-lí.

Le̍k-tó Ki-tiûⁿ thâu-chêng

Ki-tiûⁿ 2006 nî ê khí-kàng-kè-chhù (起降架次) 2046 pái, lú-kheh-jîn-chhù (旅客人次) 2.7 bān, phēng Pak-kan Ki-tiûⁿ chē, khah su Lân-sū Ki-tiûⁿ [1].

Siat-pī

• Ki-tiûⁿ bīn-chek: 7.45 kong-khéng
• Pháu-tō: 1010 m tn̂g, 23 m khoah, sek-ha̍p poe sió-hêng hui-lêng-ki.
• Thêng-ki-pêⁿ: bīn-chek 8130 m², thang thêng 3 tâi Dornier DO-228, ti̍t-seng-ki 1 tâi.

Ki-tiûⁿ bô iā-kan chō͘-hâng siat-si, àm-sî kan-taⁿ thê-kiong ti̍t-seng-ki chò kín-kip ê i-liâu jīm-bū.

Le̍k-sú

Le̍k-tó Ki-tiûⁿ 1972 nî khí. Tong-chho͘ sī Kéng-chóng Le̍k-tó Tē-khu Kéng-pī Chí-hui-pō͘ teh koán-lí. 1990 nî 7 goe̍h chèng-sek hō͘ Bîn-hâng-kio̍k chiap-siu. 1995 nî 10 goe̍h oân-sêng pháu-tō, ki-pêⁿ ê kái-kiàn, lēng-goā ke-thiⁿ sin hâng-chām toā-lâu, thah-tâi, siok-sià téng-téng.

Goā-pō͘ liân-kiat

Bîn-hâng-kio̍k Le̍k-tó Hâng-khong-chām kán-kài Archived 2008-02-22 at the Wayback Machine.