Liông-hái-khu

(Tùi Liông-hái choán--lâi)

Liông-hái-chhī (龍海市), sī Hok-kiàn-séng Chiang-chiu-chhī kóan-ha̍t ê 1-ê kōan-kip-chhī, cho̍at-tùi tē-lí ūi-tì tī pak-úi 24°11′~24°36′, Tang-keng 117°29′~118°14′ chi-kan ê liân-sòaⁿ hōan-ûi, tú-hó sī tiàm-tī Hok-kiàn-séng tang-lâm-pō͘ Kiú-liông-kang hā-iû ê pêⁿ-iûⁿ (平原). Liông-hái chôan-chhī thó͘-tē bīn-chek chiong-kīn 1128 k㎡, chóng jîn-kháu liōng-kî-iok 80 bān, sī tiōng-iàu ê Tâi-ôan-lâng chó͘-che̍k-tē. Thong-hêng Bân-lâm-gí.

Hêng-chèng-khu siu-kái

Liông-hái chhī-chèng-hú só͘-chāi-tē tī Chio̍h-bé-tīn, chôan-chhī lóng-chóng kóan-ha̍t 2 ê keng-chè khai-hoat-khu, 1 ê lông-tiûⁿ, 13 ê hiuⁿ-tīn.

Le̍k-sú siu-kái

Liông-hái chit-ê só·-chāi khai-hoat ê le̍k-sú, chhiáⁿ chham-khó iú-koan ê Chiang-chiu tē-hng khai-hoat-sú.

Kong-gôan 1960 nî 8 go̍eh 15 hō͘, Liông-khe-kōan kah Hái-têng-kōan chèng-sek ha̍p-pèng, hō͘-miâ Liông-hái-kōan, kōan-tī (縣治) siat tī Chio̍h-bé-tīn (石碼鎮).

1985 nî, Tiong-kok chèng-hú khak-tēng Liông-hái-kōan chiâⁿ-chò chôan-kok thâu-chi̍t-phoe iân-hái khai-hòng kōan.

1993 nî, keng-kòe Tiong-kok Kok-bū-īⁿ ê phoe-chún, Liông-hái thiat "kōan" kái-chò "chhī".

Kau-thong siu-kái

Hiān-chú-sî, Liông-hái-chhī ê kau-thong pí éng-kòe kái-piàn chiâⁿ chē, kong-lō·, thih-lō·, chúi-lō͘, 3 lō͘ chiau-chôan. Ū 3-tiâu ko-sok kong-lō͘ keng-kòe Liông-hái.

Thó͘-te̍k-sán siu-kái

Liông-hái chit-ê só͘-chāi, bu̍t-sán chu-gôan hong-hù, hō͘ lâng o-ló chò "hî, bí, hoa, kó chi-hiong". Chit-tah khì-hāu un-hô, thó͘-tē hûi-ok, chhut-sán ê nāi-chi, kam-á, lêng-géng, chhiū-m̂ kài chhut-miâ; peh-seⁿ chèng-hoe, chai-hoe mā chin sî-kiâⁿ, iu-kî chúi-sian-hoe siāng-kài ū miâ-siaⁿ.

Jîn-bu̍t siu-kái

Bûn-hòa siu-kái

Gōa-pō͘ liân-kiat siu-kái