Malala Yousafzai
Malala Yousafzai (Urdu: ملالہ یوسفزئی; Pashto: ملاله یوسفزۍ; Malālah Yūsafzay; 1997 nî 7 goe̍h 12 ji̍t chhut-sì ) sī Pakistan ê chi̍t ūi cheng-chhú lú-sèng kàu-io̍k ê ūn-tōng-ka. 2014 nî, tong-sî chiah 17-hòe ê Malala tit-tio̍h Nobel Hô-pêng Chióng, sī bo̍k-chiân Nobel Chióng le̍k-sú-siōng siōng-kài siàu-liân ê tit-chióng-jîn, mā sī kè Abdus Salam āu ê tē-jī ūi Pakistan Nobel tit-chióng-jîn. Malala bat án-ne kóng-kòe: "Tit-tio̍h Nobel Hô-pêng Chióng m̄-sī góa-ê bo̍k-piau. Góa-ê bo̍k-piau tû-liáu sè-kài hô-pêng, iáu hi-bāng ta̍k-ê gín-á lóng ū siū kàu-io̍k ê koân-le̍k".
