Muhammad ibn Musa al-Khwarizmi

Muḥammad ibn Mūsā al-Khwārizmī (Pho-su-gí: محمد بن موسی خوارزمی‎‎, A-la-pek-gí: محمد بن موسى الخوارزمی‎; c. 780 – c. 850), chi̍t khoán kū-sek ê La-teng-hòa miâ-hō sī Algoritmi, sī chi̍t ūi Pho-su ê sò͘-ha̍k-ka, thian-bûn-ha̍k-ka, kiam tē-lí-ha̍k-ka. I seng-oa̍h tī Abbas Khalifah-kok sî-tāi, sī Baghdad Tì-hūi-koán ê ha̍k-chiá.

Se-iûⁿ chi̍t kóa sò͘-ha̍k iōng-gí sī tùi i-ê miâ hō--lâi-ê, pí-lūn Eng-gí ê algebra ("tāi-sò͘"), algorism ("kì-sò͘-hoat"), algorithm ("ián-sǹg-hoat") téng jī.