Pang-chān:臺北大巨蛋

臺北大巨蛋，2019年翕。

臺北大巨蛋，閣號做臺北大粒卵、臺北大穹頂、臺北大圓埕……，是位佇中華民國臺北市信義區兮室內野球場，上濟會當予59,833个觀眾入去（有40,575个位，但是野球比賽上濟干焦會當開放40,071个），位佇國父紀念館邊仔。大巨蛋嘛是全臺灣第一个室內兮野球場，所以受着𣍐少兮關注。

1991年11月10號，萬外个觀眾佇臺北市立野球場欲看1991年中華職棒總冠軍賽第七場味全龍對統一獅兮比賽，彼時兮行政院院長郝柏村嘛佇內底；無疑悟彼暗落大雨𣍐 (bē)使拍，中華職棒宣佈比賽延期。現場兮觀眾自按呢開始喝「郝院長，阮想欲巨蛋！」

大巨蛋佇2012年4月17起工，2023年10月20完工、2023年12月2號啟用，中華職棒對2024年賽季開始佇大巨蛋比賽。