Pang-chān:臺北市

臺北市
—  直轄市  —
旗仔 印仔
个位置
經緯度: 25°2′N 121°38′E
國家	中華民國
政府
- 市場	蔣萬安
面積
- 攏總	271.7997 km2
- 水面	2.7 km2
人口 (2024年11月)
- 攏總	2,493,210儂
- 密度	9,172.97/km2
時區	CST (UTC+8)
網站	taipei.gov.tw

臺北市，一般號做臺北，簡寫北，是中華民國兮首都，嘛是臺灣北部兮一个直轄市。臺北是臺灣兮政治、經濟、文化、教育、醫療、學術研究等領域兮發展中心。臺北位佇臺灣北部兮臺北盆地，予新北市包圍，是臺北都會區抑是規个北臺灣兮中心城市。全市劃分做12个區，總面積271.8平方公里。人口265萬，佇臺灣各都市排佇第4，人口密度第1。

臺北都會兮發展歷史上早會當堆溯到清領時代尾期兮1876年臺北府成立，以及1884年臺北城建立。日本時代中期兮1920年州轄市設立是臺北正式建市兮開端。1945年，中華民國時代開始，臺北成做臺灣省兮省轄市佮省會。自1949年底國民政府遷臺了後，臺北成做中央政府兮所在地。1967年升格成做直轄市。

做為19世紀後期以來兮臺灣行政中心，臺北是臺灣近代歷史資料兮發展舞臺。以臺北市做中心兮臺北都會區有704萬人口，是臺灣上大兮都會區。另外，臺北市定定和新北市合稱「雙北」。若照生活圈規劃，臺北市、新北市、佮基隆市攏屬於大臺北首都生活圈，實施區域聯合治理。臺北佇全球化佮世界城市網路（GaWC）發表兮世界級城市名冊中予人 (hőng)定義做Alpha級別兮國際城市，綜合評比是世界第26位；佇美國A.T. Kearney兮全球城市調查中予人 (hőng)列做世界第33大商業金融都市。

歷史

Siông-sè chhiáⁿ khoàⁿ: 臺北兮歷史

荷蘭儂畫兮大臺北古地圖

17世紀

根據記載，臺北上早是平埔族Ketagalan族生活兮所在。對17世紀初西班牙統治時代開始，到荷蘭統治時代佮清領初期，遮攏去予統治者看做是化外之地，並無大規模兮開發。

清領時代

1709年，泉州儂陳天章、陳逢春、賴永和、陳憲伯佮戴天樞合股成立陳賴章墾號，向臺灣府諸羅縣申請開墾大佳臘地方，成做臺北盆地開墾活動兮開端。1723年，巡臺御史吳達禮報請朝廷增設淡水廳，管轄大甲溪以北兮所在。對遮開始，台北正式納入漢人兮行政體系，毋過彼當陣兮政治佮經濟中心是佇臺南。

19世紀中葉，淡水河流域兮物產貿易（特別是茶葉）興旺起來，艋舺（今 (taⁿ)兮萬華區）佮大稻埕（今 (taⁿ)兮大同區）前後成做重要兮貿易基點。臺灣兮經濟中心漸漸往北徙動。後來清國官方決定佇艋舺佮大稻埕中間兮田地興建臺北城做為行政中心，1884年完工。1885年，福建臺灣省設立，劉銘傳成做第一任巡府，開始建設大稻埕去雞籠佮新竹兮鐵枝路，加強郵電佮道路等基礎建設。然後閣共臺灣巡府衙門佮布政使司衙門設佇城內（今 (taⁿ)中山堂兮位置），臺北兮都市雛形到遮已經初步建立。1894年，繼任巡府卲友濂正式共省會對橋仔頭（閣號做橋孜 (chu)圖，今 (taⁿ)兮臺中市南區）徙去臺北，奠定臺北到今 (taⁿ)做為臺灣政治佮經濟中心兮地位。

日本時代

臺北州廳舍

臺灣總督府建築佇1945年予美軍空襲摧毀

1895年，大清帝國佇甲午戰爭戰敗，然後共臺灣割讓予日本。臺北佇日本時代原在是日本當局統治臺灣兮政治中心。日本時代初期共原來兮2座衙門做為臺灣總督府，直到1919年總督府新廳舍（今 (taⁿ)兮總統府）完工為止。1990年開始，日本政府拆除臺北城牆佮西門，佇原地建設4條三線車路，興建水道水佮下水道系統。日本儂共原臺北城內區域做為中樞政府廳舍兮集中地，以及在臺灣日本儂兮商業地帶。然後分階段進行市區改正計劃，街仔路佮建築物兮風貌較西化，另外嘛興建公園佮其它公共建築，臺北漸漸有現代都市兮型態。對遮開始，臺北沓沓仔對中國傳統模式，轉變做中西混合兮現代化城市佈局佮運作模式，尤其日治時代中央政府所在兮官廳集中區兮現代化建設對今旦日兮臺北城市面貌影響上深

戰後時代

信義計劃區是即馬臺北都會區兮中心商業區

西門町商圈

1945年9月，臺灣進入戰後國民政府統治時代。1945年11月初1，設做省轄市。1949年12月中華民國政府因為第二次國共內戰失利退守臺灣了後，對12月初10起，共中央政府所在地設立佇臺北市。綴中華民國政府徙來臺灣兮200萬中華民國國軍佮中國各省民眾，以及1960年代濟濟對中南部北上求學佮工作兮風潮，致使臺北市兮人口快速增加、市民兮結構趨向多元化。過去佇美援兮挹注下，逐步進行道路、住宅社區、學校等公共設施兮新建工程。城市開發原本集中佇建國南北路西爿兮三市街舊市區，對1960年代尾期開始，漸漸向東爿兮大塊田地去拓展。1967年7月初1，臺北市升格做直轄市，隔年閣共原屬臺北縣（今 (taⁿ)新北市）兮內湖鄉、南港鎮、木柵鎮、景美鎮猶閣有原屬陽明山管理局兮北投鎮、士林鎮納入轄區。

1970年代到1980年代以後，臺灣經濟快速成長，臺北市邁入都市開發兮高度發展期，商業中心嘛開始漸漸東徙到臺北東區，三市街所在兮西區相對出現發展衰退兮態勢。佇高度發展之下，嚴重兮交通問題嘛綴咧來。直到1990年代，臺北市區兮臺北鐵路地下化專案、臺北捷運、快速道路、公車專用道等交通建設陸續完工了後，才紓解交通上兮壓力。

綴臺北市政府佮臺北市議會兮搬徙佮進駐，東區兮信義計畫區快速發展成做臺北兮中心商業區；西區兮西門町、大稻埕等聚落嘛開始進行更新計劃。21世紀後，臺北市陸續主辦2009年夏季Deaflympics、2010年國際花卉博覽會、2011年世界設計大會、2017年夏季Universiade等大型國際活動；閣加上捌做為世界第一大樓兮臺北101完工，攏增加臺北市兮國際能見度。根據美國A.T. Kearney公佈兮2014年世界前84大城市排行，照商業影響、人才、資訊交流、文化佮革新能力等五項行為，臺北市排第40名（上好兮排名是2008年的34名）。

地理

Siông-sè chhiáⁿ khoàⁿ: 臺北兮地理

人口

今旦日兮臺北市包含12个區。面積有271.7997平方公里，人口差不多有248萬儂。臺北都會區（包含臺北市外圍兮新北市佮基隆市）兮面積有2,457.1253平方公里，人口大約684萬儂。

（人口資料：2022年12月）

行政區

• 萬華區
• 文山區
• 內湖區
• 南港區
• 北投區
• 信義區
• 松山區
• 士林區
• 大安區
• 大同區
• 中正區
• 中山區

城市規劃

政治

經濟