Portal:Bûn-hòa/Selected biography/2

Inô Kanori (伊能嘉矩; 1867 nî 6 goe̍h 11 ji̍t – 1925 nî 9 goe̍h 30 ji̍t) sī Ji̍t-pún ê jîn-lūi-ha̍k kiam bîn-sio̍k-ha̍k-ka, sī chin tiōng-iàu ê Tâi-oân gián-kiù ha̍k-chiá. I sī tùi Iwate-koān ê Tôno chhut-sì--ê. Inô tī 1886 nî ji̍p-khì Iwate-koān ê su-hoān ha̍k-hāu tha̍k-chheh, m̄-koh i chhui-sak ha̍k-seng ūn-tōng, choaⁿ-á hō͘ lâng thè-o̍h. Liáu-aū, i kòe Tang-kiaⁿ chū-siu, kiam chò sin-bûn siá-chok ê khang-khoè. Tùi 1893-nî khai-sí, i toè Tang-kiaⁿ Tè-kok Tāi-ha̍k ê Tuboi Syôgorô (坪井正五郎) kàu-siū tha̍k jîn-lūi-ha̍k. 1895-nî, Ji̍t-pún chiàm Tâi-oân, Inô í lio̍k-kun kò͘-oân ê sin-hūn kòe ka Tâi-oân, mā khai-sí i iok-lio̍k 10-tang ê Tâi-oân chāi-tē tiau-cha gián-kiù.