Seqalu (tiān-sī-kio̍k)
Seqalu（Paiwan-gí: Seqalu, Eng-gí: Seqalu: Formosa 1867）sī 2021 nî ê Kong-sī tiān-sī-kio̍k. Kái-pian chū siáu-soat Ka-lé Hoe, kio̍k-miâ goân-chū bat chûn-chāi tī Tâi-oân pún-tó Lông-kiau tē-khu（Hêng-chhun it-tài）ê chèng-koân——Suh-ka-lò͘（Lông-kiau cha̍p-peh siā）. Iû Ngô͘ Khong-jîn, Un Cheng-lêng, Camake Valaule, Masiswagger Zingrur, Fabio Julien Victor Grangeon, N̂g Kiān-úi, Chiu Kāu-an, N̂g Oán, Lûi Hông, Hē Chēng-têng, Û Tiok-jû, Tiuⁿ Úi-phâng, Koeh Chí-ûn, Tiâⁿ Í-ngá téng ián-chhut. Tī 2021 nî 8 ge̍h 14 hō khí tī Kong-sī chú-pîn ta̍k pài-la̍k àm-sî 21-23 tiám siú-pò͘, LINE TV ta̍k pài-la̍k àm-sî 22 tiám pò͘-chhut, ta̍k lé-pài àm-sî 18 tiám tī myVideo kap Netflix chiūⁿ-kè sin-ê chi̍p-sò͘.
| ||||
|---|---|---|---|---|
| Goân-chhòng |
Ka-lé Hoe chok-chiá Tân Iāu-chhiong | |||
| Pian-kio̍k | ||||
| Tō-ián | ||||
| Chú-ián | ||||
| Chè-chok kok-ka |
 Tâi-oân | |||
| Gí-giân | ||||
| Jī-bō͘ | Tiong-bûn | |||
| Chi̍p-sò͘ | 13-chi̍p | |||
| Tn̂g-tō͘ |
| |||
| Phìⁿ-bóe-khek | "風" | |||
| Chè-chok | ||||
| Chè-chok-jîn | ||||
| Chhut-phín-jîn | ||||
| Kán-chip | ||||
| Liap-iáⁿ | ||||
| Chè-chok kong-si | ||||
| Hoat-hêng kong-si | Kong-sī | |||
| Pò͘-èng | ||||
| Siú-pò pîn-tō | Kong-sī | |||
| Sī-sìn keh-sek | Ko-ōe-chit tiān-sī | |||
| Im-sìn keh-sek | Stereo | |||
| Pò-chhut kok-ka |
Tâi-oân | |||
| Pò-chhut ji̍t-kî | 2021 nî 8 goe̍h 14 ji̍t－2021 nî 9 goe̍h 18 ji̍t | |||
Chè-chok
siu-káiSoan-pò͘ kái-pian
siu-kái2017 nî 9 ge̍h, Kong-kiōng Tiān-sī soan-pò͘ beh kái-pian Ka-lé Hoe, kā chok-phín í Tāi-hô kio̍k ê hêng-sek chè-chok chò 12 chip ê tiān-sī liân-sio̍k-kio̍k, tī Chiân-chiam Ki-chhó Kiàn-siat Kè-ōe ê pó͘-chō͘ chi-hā, í múi chi̍p iok sin-Tâi-phiò 1550 bān, chóng-kiōng khai-liáu 1.55 ek ê ū-soàn chè-chok Ka-lé Hoe, che-sī Kong-sī chiat-bo̍k chè-chok chiau-pio chhái-kò͘ àn-sú siōng hán-tit khòaⁿ-tio̍h ê koân-gia̍h. Tâi-oân Kong-kóng chi̍p-thoân táng-sū-tiúⁿ, Tân Hiok-siù tn̂g-kî koan-chhat Ji̍t-pún ê Tāi-hô-kio̍k koh in-chhú chìn-chi̍t-pō͘ liáu-kái Ji̍t-pún ê le̍k-sú, khiok hoat-hiān ka-kī hoán-tńg tùi Tâi-oân le̍k-sú bô-kàu liáu-kái, só͘-í i siūⁿ-beh thàu-kòe chè-chok Tāi-hô-kio̍k hō͘ koan-chiòng koh-khah liáu-kái Tâi-oân. I jīn-ûi Kong-kiōng Tiān-sī ê chōe-chōe chiat-bo̍k sui-bóng ū ka-kī ê te̍k-sek, khiok-sī khiàm-khoeh liân-koàn-sèng, i hi-bāng ē-tàng chéng-ha̍p Kong-sī ê chiat-bo̍k, koh jīn-ûi tī HBO ASIA ha̍p-chok chè-chok ê《Thong-lêng Siàu-lú》siū-tio̍h kok-chè hó-phêng í-āu ē-sái chhiok-chìn Tâi-oân gia̍p-kài ê tâu-chu , kā Tâi-oân sak-ǹg kok-chè, Ka-lé Hoe tō-sī chi̍t-pō͘ kàu-gia̍h tāi-piáu Tâi-oân cheng-sîn koh ē-tàng thui-hiòng kok-chè bú-tâi ê Tāi-hô-kio̍k, i koh hióng Bûn-hòa-pō͘ chhéng-bēng, ǹg-bāng ta̍k-nî lóng ē-tàng thui-chhut chi̍t-pō͘ kî-lām kip ê le̍k-sú kio̍k. Tân Hiok-siù chí-chhut《Ka-lé Hoe》ê chè-chok kui-bô͘ chêng-só͘-bī-iú, jî-chhiáⁿ ē chin khùn-lân, in-ūi chok-phín tiong m̄-nā pau-hâm kok cho̍k-kûn kap chōe-chōe tiûⁿ-kéng, koh-ū hái-chiàn tiûⁿ-bīn, tek-khak ē liáu tōa-liōng ū-soàn kap sim-sîn tī chêng-tì chok-gia̍p téng-bīn, pit-su ài ū tōa-bô͘ ê chu-kim chi-oân, ài ū téng-chin ê sú-liāu hun-sek kap tùi tiûⁿ-kéng, ho̍k-chong kap gí-giân ê khó-kiù, m̄-koh chit-kóa tóng-àn, ho̍k-chong, tō-kū kap tiûⁿ-kéng lóng-sī teh ūi Tâi-oân ê iáⁿ-sī sán-gia̍p phah ki-chhó͘, ē-tàng thê-kiong bī-lâi kè-siok sú-iōng. Kong-sī chiat-bo̍k-pō͘ keng-lí Î Pôe-hôa piáu-sī Kong-sī chū 2016 nî khí tō ū chè-chok sî-tāi le̍k-sú-kio̍k ê kui-ōe, kî-bāng thàu-kòe le̍k-sú-kio̍k tê-châi kóng Tâi-oân ê kò͘-sū, pēng-chhiáⁿ í hì-kio̍k hêng-sek ín-khí siā-hōe tāi-chiòng tùi le̍k-sú ê hoán-su. Chóng-sī《Ka-lé Hoe》sī Kong-sī le̍k-sú-kio̍k hē-lia̍t ê khí-tiám, bī-lâi Kong-sī beh kiàn-li̍p koh-khah chōe tī bô-kâng nî-tāi tiong hoat-seng tī Tâi-oân chit-tè thó͘-tē ê kò͘-sū. Tùi ka-kī ê chok-phín teh-beh hông kái-pian, Tân Iāu-chhiong tî-liáu ǹg-bāng ta̍k-ke tī khòaⁿ-kè tiān-sī-kio̍k liáu-āu ē-tàng hôe-thâu thak goân-chok, iā piáu-sī bô khòa-ì siu-kái goân-chok tiong ê pian-pâi，chí-iàu le̍k-sú sî-tāi ê cheng-chhóe hông liû-chûn lo̍h--lâi, pēng-chhiáⁿ ē-tàng chhiok-chìn koan-chiòng kèng-ka chiap-kīn le̍k-sú tō ē-sái.
Hì-miâ Cheng-gī
siu-kái"Ka-lé Hoe"(魁儡花) sī chá-kî Kheh-ka Tâi-oân-lâng khî-sī goân-chū-bîn ê iōng-sû，in-chhú ín-hoat cheng-gī. Thàu-kòe bāng-lō͘ phiò-soán, hì-miâ kài-chòe Suh-ka-lò͘.
Tēng-ūi
siu-káiChô Sūi-goân thàu-lō͘ ka-kī hip chit-chhut hìj siōng khí-thâu ê tōng-le̍k, sī siūⁿ-beh hip hō͘ gōa-kok-lâng o-ló chòe「Formosa」ê Tâi-oân, hip-chhut Tâi-oân Thong-sú biâu-su̍t ê "pô-so chi iûⁿ, bí-lē chi tó", koh piáu-sī chè-chok thoân-tūi ē iōng kèng-khiân kap kám-kek lâi têng-hiān chit-ê kò͘-sū. I piáu-sī kòe-khì chip-tō《Ge̍k-chú》ê sî bat siū chit-gî sèng kheng-hiòng, tī chip-tō Chi̍t Pé Chheng ê sî iā-ū lâng chit-gî i teh bí-hòa Tiong-kok Kok-bîn Tóng, in-ūi Tâi-oân kok cho̍k-kûn ê kè-ta̍t-koan kap le̍k-sú-koan tng-leh iông-ha̍p kai-tōaⁿ, in-chhú Chô Sūi-goân ū-liāu Ka-lé Hoeoân-sêng liáu-āu, pit-tēng ē siū-tio̍h chit-gî, m̄-koh kio̍k-cho͘ iû-goân ē chhì-khòaⁿ beh tián-hiān Tâi-oân cho̍k-kûn tī tng-sî ê kok-chè kà-kò͘ chi-hā só͘ khiā ê ūi-tì. Chô Sūi-goân jīn-ûi Lô-hoat-hō Sū-kiāⁿ sī Tâi-oân thâu-chi̍t-pái phû-hiān tī sè-kài pán-tô͘ téng, m̄-sī kan-ta sio̍k-tī Tâi-oân、khiok-sī ē-tàng thui-hiòng sè-kài ê hó tê-châi. I lia̍h Tiong-kok chè-chok、í Ji̍t-pún sî-kî ê Tâi-oân ûi tê ê《Tâi-oân Óng-sū》chò lē, jīn-ûi Tiong-kok khai chia-nî-á tōa ê chu-goân chhoan-sek Tâi-oân ê le̍k-sú, sui-bóng Ka-lé Hoe hō͘ gia̍p-kài khòaⁿ-chò chi̍t-ê tōa-khiⁿ, m̄-koh Tâi-oân-lâng lóng tī chit-ê khiⁿ lāi-té, siáⁿ iā bô-hoat-tō͘ cháu-siám. Chô Sūi-goân jīn-ûi Ka-lé Hoe tī Tâi-oân iáⁿ-sī sán-gia̍p ê tiōng-iàu-sèng ē-kham-tit pí-phēng Dunkirk Chiàn-e̍k, koh jīn-ûi Tiong-kok 「kā Bîn-chín-tóng chi-chhî--ê lóng khòaⁿ-chò sī Tâi-to̍k sī chi̍t-chióng chin-e̍h ê koan-tiám.
Pian-kio̍k Si Jû-hong piáu-sī, Ka-lé Hoe ê kio̍k-pún hui-siông oh siá, chóng-sī in-ūi án-ne, i hi-bāng ē-tàng thàn-ki-hōe chèng-bêng Tâi-oân ū lêng-le̍k chè-chok chhut keh-kio̍k hông-tāi ê chok-phín.
Chhú-kéng
siu-kái
Ūi-tio̍h beh tiong-si̍t têng-hiān le̍k-sú, kio̍k-cho͘ pàng-sak tī Tâi-oân pak-pō͘ tah-kéng, chóng-sī bô sioh pún-chîⁿ lâi cheng-ka keng-hùi kàu Pîn-tong si̍t-tē chhú-kéng, Pîn-tong Koān-chèng-hú piáu-sī, 《Ka-lé Hoe》ē í Pîn-tong-koān chò chú-iàu tiûⁿ-kéng, koh chīn-le̍k hō͘ tiûⁿ-kéng tī soah-hì liáu-āu hông pó-liû, ǹg-bāng í chit-chhut sú-si téng-kip ê tōa chok-phín thê-seng Pîn-tong ê kok-chè ti-miâ-tō͘ kap koan-kong kè-ta̍t, ji̍t-āu iā ē-tàng chò kî-thaⁿ kio̍k-cho͘ chhú-kéng ê tiûⁿ-só͘.
Tî-liáu tī Pîn-tong chhú-kéng, Tâi-lâm Chhī-chèng-hú iā cheng-chhu tio̍h Chiân-chiam Ki-chhó͘ Kiàn-siat Kè-ōe keng-hùi, kā ùi 1994 nî thêng-sán liáu-āu êng-êng khǹg-teh 24 tang ê Kiâm-chúi-khu Hōaⁿ-lāi Thn̂g-chhiúⁿ kái-kiàn chò iáⁿ-sī hn̂g-khu, kî-tiong chi̍t-pō͘-hūn beh chò《Ka-lé Hoe》phah-hì sî só͘ su-iàu ê ke-kéng. 2018 nî 11 ge̍h 7 hō, Bûn-hòa-pō͘, Tâi-lâm Chhī-chèng-hú, Tâi-oân Thn̂g-gia̍p Kong-si kap《Ka-lé Hoe》kio̍k-cho͘ chòe-hé chhut-se̍k, ùi tah-kéng khai-kang tián-lé chián-chhái. Kan-ta sī tah tiûⁿ-kéng ê pō͘-hūn, tō khai-liáu chóng-ū-soàn ê saⁿ-hūn-chi̍t, tī iáⁿ-sī hn̂g-khu hip ê tiûⁿ-kéng pau-koat Tâi-oân-hú-siâⁿ kap Hàn-jîn chū-lo̍h, kio̍k-cho͘ tek-pia̍t ǹg Sêng-kong Tāi-ha̍k Kiàn-tiok hē-só͘ chhèng-kàu, kî-thāi hoân-goân tong-sî kéng-siōng.
Soah-hì
siu-kái2020 nî 1 ge̍h, Ka-lé Hoe chèng-sek soah-hì.