Tâi-oân ê soán-kí

Tâi-oân ê soán-kí sī ùi 1930 nî-tāi ê Ji̍t-pún sî-tāi khai-sí. Bo̍k-chiân ê soán-kí chè-tō͘ kap kè-kò͘ lâi-chū Tiong-hôa Bîn-kok Hiàn-hoat, kî-tiong tē-jī chiuⁿ Jîn-bîn chi Khoân-lī Gī-bū tē-17 tiâu chài-bêng jîn-bîn ū soán-kí, pā-bián, chhòng-chè kap ho̍k-koat ê khoân-lī, lēng-gōa i iā tī Kok-bîn Tāi-hōe, Li̍p-hoat, Kàm-chhat, Tē-hng Chū-tī Chè-tō͘, Séng-koān kap Soán-kí téng siong-koan chiuⁿ-chat tiong, thê-kiong Tâi-oân soán-kí ê bó-hoat kin-goân. 1991 nî 4 goe̍h khí, Tâi-oân keng-le̍k 7 pái siu-hiàn, siu-hiàn liáu-āu ê Tiong-hôa Bîn-kok Hiàn-hoat Cheng-siu Tiâu-bûn chiâⁿ-chòe Tâi-oân soán-kí ê lēng-gōa chi̍t ê hoat-lí ki-chhó͘. Lēng-gōa, Tâi-oân tī 2003 nî té chiâⁿ-chòe Tang A-sè-a tē-it ê li̍p-hoat pó-chiòng kong-bîn tâu-phiò-khoân ê tē-khu, chiàu Kong-bîn Tâu-phiò Hoat chìn-hêng ê kong-bîn tâu-phiò iā sio̍k tī kóng-gī soán-kí kap ti̍t-chiap bîn-khoân ê chi̍t khoân. Ti̍t-chiap bîn-soán ê chóng-thóng kap kok-hōe sī Tiong-hôa Bîn-kok chú-khoân to̍k-li̍p chū-chú, chèng-tī chū-iû bîn-chú, siā-hōe khai-hòng chìn-pō͘, chèng-hú i-hoat hêng-chèng, choân-bîn kàm-tok chèng-hú si-chèng kap kong-po̍k piáu-hiān ê tiōng-iàu siōng-teng kap hong-sek.