Wikipedia

Tâi-oân Goân-chū-bîn-cho̍k-gí

這篇文章有漢字兮版本。
參考這篇文章兮漢字版本。


Tâi-oân Goân-chū-bîn-cho̍k-gí, sī só͘-ū keng-kòe Hêng-chèng-īⁿ hu̍t-tēng ê Tâi-oân goân-chū-bîn-cho̍k só͘ sú-iōng ê kok-chióng gí-giân ê thóng-chheng, kok gí-giân lóng sī Tiong-hôa-bîn-kok ê kok-ka gí-giân, Ji̍t-pún sî-tāi hông hō-chò Takasago-gí (高 (たか)砂 (さご)語 (ご)). Chú-iàu hun-pò͘ tī Tâi-oân kah Âng-thâu-sū nn̄g ê tó-sū téng-koân goân-chū-bîn-cho̍k tòa ê só͘-chai[1], pau-koat chin chē gí-kûn, bo̍k-chêng keng-kòe Hêng-chèng-īⁿ jīn-tēng ê gí-giân lóng-chóng ū 15 chióng, ē-kha ē-sái koh hun-chò 41 ê hong-giân[chù 1], kā cho̍k-gí Lô-má-jī tòng-chò chiàⁿ-jī-hoat, chóng sú-iōng jîn-kháu tāi-iok sī 26 bān lâng, chiàm Tiong-hôa-bîn-kok chóng jîn-kháu ê 1.2%.

。2010 nî Tâi-phêⁿ Kim-má chiàu hêng-chèng-khu chò kài-sòaⁿ kì-lio̍k, tī chhù-lāi kóng ê ōe ū pau-koat Tâi-oân Goân-chū-bîn-cho̍k-gí--ê jîn-kháu pí-lē (hâm kóng chē chióng ōe--ê, pí-lūn Amis-gí kiam Hôa-gí).

Tâi-oân Goân-chū-bîn-cho̍k-gí lóng sio̍k-î Lâm-tó gí-hē, hâm Tâi-oân Lâm-tó-gí kah Tao-gí (Tao-gí bô sio̍k-î Tâi-oân Lâm-tó-gí-giân, sī sio̍k-î Má-lâi-Polynesia gí-giân ê "Batanic gí-kûn"). Tâi-oân Lâm-tó-gí àn-chiàu kè-sǹg hong-sek bô-kâng, khó-lêng ū 16 kàu 20 gōa ê gí-chióng, i-hā gí-chióng hun-lūi í "Bîn-cho̍k-gí" chò ki-chhó͘, siâng-sî chham-khó Lí Jîm-kùi (2006) ê hun-lūi[2], kā Tâi-oân Lâm-tó-gí hun-chò Pak Tâi-oân Lâm-tó-gí-cho̍k, Tiong Tâi-oân Lâm-tó-gí-cho̍k, Lâm Tâi-oân Lâm-tó-gí-cho̍k, kah Tang Tâi-oân Lâm-tó-gí-cho̍k sì ê hun-chi.

Gōa-pō͘ liân-kiat

siu-kái
  1. ↑ 李壬癸 (2006). "The internal relationships of Formosan languages (臺灣南島語的內部關係)". Goân-pún bāng-ia̍h Pó-chûn tī 2020-05-06. 2019-07-17 khòaⁿ--ê. 
  2. ↑ 李壬癸 (2006). "The internal relationships of Formosan languages (台灣南島語的內部關係)". goân-loē-iông tī 2020-05-06 hőng khó͘-pih. 2019-10-28 khòaⁿ--ê. 


Ín-iōng chhò-gō͘: 使用群組名稱 "chù" 的 <ref> 標籤已存在，但查無對應的 <references group="chù"/> 標籤

Lâi-goân: "https://zh-min-nan.wikipedia.org/w/index.php?title=Tâi-oân_Goân-chū-bîn-cho̍k-gí&oldid=3159989"