Pang-chān:臺灣原住民族語

。2010年臺澎金馬照行政區做界線記錄，佇厝內講个話有包括臺灣原住民族語个人口比例（含講濟種話兮，比論Amis語兼華語）。

臺灣原住民族語，是所有經過行政院核定个臺灣原住民族所使用个各種語言个統稱，各語言攏是中華民國个國家語言，日本時代予人號做「高砂語」。主要分布佇臺灣佮紅頭嶼兩个島嶼頂懸原住民族蹛个所在，包括真濟語群，目前經過行政院認定个語言攏總有15種，下跤會使閣分做41个方言，共族語羅馬字當做正字法，總使用人口大約是26萬儂，佔中華民國總人口个1.2%。

臺灣原住民族語攏屬於南島語系，含臺灣南島語佮達悟語（達悟語無屬於臺灣南島語言，是屬於馬來Polynesia語言个「巴丹語群」）。臺灣南島語按照計算方式無仝，可能有16到20外个語種，以下語種分類以《民族語》做基礎，𫝛 (siâng)時參考李壬癸（2006）个分類，共臺灣南島語分做北臺灣南島語族、中臺灣南島語族、南臺灣南島語族、佮東臺灣南島語族四个分支。