Pang-chān:臺灣原住民

Chit phiⁿ bûn-chiuⁿ ū Pe̍h-ōe-jī ê pán-pún.
Chham-khó chit phiⁿ bûn-chiuⁿ ê Pe̍h-ōe-jī pán-pún.

臺灣原住民是十七世紀漢人未移民前就佇臺灣徛起个南島民族佮𪜶 (in)个後代，另外一个名詞是「先住民」，今較罕得用，臺灣原住民个傳統語言屬於南島語系。

名稱

臺灣个河佬儂、客儂叫𪜶 (in)「番仔」，是漢人對外族自古早以來个稱呼，有个原住民嘛共河佬儂號做「歹儂」。

日本儂根據忠誠度共𪜶 (in)分做「熟番」佮「生番」，另外猶閣有「番儂」（日本話：banzin，蕃人）个講法，後來嘛有「高砂族」 (takasagozoku)个叫法，𪜶 (in)个族群分類對現代人類學、語言學，甚至一般儂个知捌影響真深。

戰後个中華民國政府一律稱呼𪜶 (in)叫「山胞」，下跤閣分做山地佮平地兩種。

雖罔捌有人士認為「先住民」較妥當，現此時「原住民」這个稱呼是社會普遍會當接受个名詞。

原住民族群个傳統地盤（殕色是以早平埔族个地）

中華民國承認个族群佮承認个年代：

（以下可能有錯誤）

戰後來臺个中華民國政府實施漢化政策，1995年修法進前，姓名條例並無允准原住民使用傳統名姓，這條法律佇2003年閣再修訂，允准𪜶 (in)蹛個人身份證頂頭列羅馬拼音个名，總是到2005年猶無到一千人翻頭改用傳統名。