Tâi-oân Tiān-le̍k Tu-sek Hōe-siā
Tâi-oân Tiān-le̍k Tu-sek Hōe-siā (臺灣電力株式會社) sī Tâi-oân Ji̍t-pún sî-tāi iû Tâi-oân Chóng-tok-hú siat-li̍p ê pòaⁿ-koaⁿ-hong ê tiān-le̍k kong-si, tī 1919 nî 7 goe̍h sêng-li̍p. Pún-siā tī Tâi-pak-chhī Su-īⁿ-teng, sī Tâi-oân Tiān-le̍k Kong-si ê chiân-sin. Tâi-oân Tiān-le̍k Tu-sek Hōe-siā hām Tâi-oân Gîn-hâng kap Tâi-oân Thok-si̍t sī Ji̍t-pún sî-tāi Tâi-oân ê saⁿ tōa kok-chhek hōe-siā.
