Tēⁿ Khek-chong
Tēⁿ Khek-chong (鄭克𡒉; 1662 nî – 1681 nî ) sī Tâi-oân Tang-lêng-kok sî-tāi Iân-pêng-ông Tēⁿ Keng ê sè-chú, pún-miâ Tēⁿ Khim (鄭欽).
| |||||||||
|---|---|---|---|---|---|---|---|---|---|
|
Iân-pêng-ông Kàm-kok Sè-sun (延平王監國世孫) | |||||||||
| Tang-lêng-kok kok-ông | |||||||||
| Chāi-ūi | 1681 nî 3 goe̍h | ||||||||
| Chêng-jīm | Tēⁿ Keng | ||||||||
| Kè-jīm | Tēⁿ Khek-sóng | ||||||||
| Phoè-ngó͘ | Tân--sī | ||||||||
| |||||||||
| Ông-sek | Tang-lêng | ||||||||
| Lāu-pē | Tēⁿ Keng | ||||||||
| Lāu-bú | Tân Chiau-liông (陳昭娘) | ||||||||
| Chhut-sì |
Tēⁿ Khim (鄭欽) 1662 nî Lâm-bêng Ē-mn̂g | ||||||||
| Kòe-sin |
1681 nî (18–19 hòe) Tang-lêng-kok Sêng-thian-hú | ||||||||
In-ūi Tēⁿ Keng ê tiong-kiong Ông-hui Tn̂g--sī pēng-bô hāu-siⁿ, só͘-í Tân Chiau-liông só͘-seⁿ ê tōa-hàn ông-chú Tēⁿ Khim sêng-ûi goân-chú. Put-kò, Tēⁿ Khim chhut-sì ê sî-chūn, chin chē lâng iâu-thoân i sī "Lí--sī chi chú" (李氏之子), m̄-sī Tēⁿ Keng ê chhin-siⁿ hāu-siⁿ, tān-sī Tēⁿ Keng pún-lâng pēng-bô siong-sìn chit khoán kóng-hoat. Tēⁿ Khim ê chhut-sì āu-lâi pìⁿ-chòe sī Tang-lêng sū-tāi-hu tùi Tēⁿ--sī ông-sek ê chhiò-khoe, in-chhú chō-sêng Tēⁿ Sêng-kong hui-siông ê put-boán, hā-lēng beh thâi-sí Tēⁿ Keng bú-á-kiáⁿ.
Tēⁿ Khim sòe-hàn ê sî-chūn, Tēⁿ Keng chiū bēng-lēng Chu-gī chham-kun Tân Éng-hôa lâi kā kà-sī. Tēⁿ Khim tōa-hàn liáu-āu, chiū kah Tân Éng-hôa ê cha-bó͘-kiáⁿ kiat-hun, i chiū-sī Sè-chú-hui Tân--sī (世子妃陳氏).
1679 nî, Tēⁿ Khim chiap-siū Tēⁿ Keng ê chheh-hong sêng-ûi sè-chú kiam kàm-kok, hō-chòe Kàm-kok Sè-sun (監國世孫).
1681 nî 3 goe̍h, Tēⁿ Keng phòa-pīⁿ eng-khì, Pâng Sek-hoān tī Ông-hui Táng--sī ê hòng-chiòng chi-hā, liân-ha̍p Tang-lêng chong-chhin sat-hāi Tēⁿ Khim.