Tōng-le̍k-chhia (Tek-gí: Kraftfahrzeug) he̍k-chiá kóng mò͘-tah-chhia (Eng-gí: motor vehicle), sī óa-khò chū-sin tōng-le̍k thui-sak ê tō-lō͘ kiam lō͘ gōa ūn-su-khì, it-poaⁿ sī tàu lián-á--ê, jî-chhiáⁿ m̄-sī kiâⁿ thih-ki-lō͘, chú-iàu lō͘-ēng sī sú-iōng tī kok khoán tō-lō͘ leh chài lâng chài mi̍h.

Phó͘-thong ê tōng-le̍k-chhia ū hâm chū-tōng-chhia, bá-suh, o͘-tó͘-bái, tho͘-lá-kuh téng khoán. Pún khài-liām tī ū-ê kok-ka sī chi̍t khoán hoat-lu̍t siōng ê hun-lūi, ū in choan-bûn ê ì-sù.