南島語族是指語言屬佇南島語系的民族，遮的族群有臺灣所有的原住民族 (包括平埔族佮高山原住民)和徛佇太平洋佮印度洋濟濟島嶼的民族。
南島語系是全世界語言上濟的語系，攏總有超過1,200種的語言，其中臺灣就占20-30外種(包括一寡已經死去的語言)。
南島民族是原來通南島語言的各款族群，𪜶 (in)分布的範圍佇台灣、馬達加斯加、夏威夷佮紐西蘭之間，包含，印尼、汶萊、馬來西亞、菲律賓、密克羅尼西亞、玻利尼西亞。佇越南、海南、泰國、新加坡等所在嘛有一寡。
