Thó-lūn:Sîn-oē
神話
siu-kái神話是指某一類的故事，遮的故事屬佇無仝的文化，佇遐的文化內底，基本上是相信遮的故事的，閣遮的故事內底，是用超自然的事件或者是人物，來解說宇宙、這世界佮人類的本質，抑是生成就有的系項，比論講：
- 這个世界是按怎有的？
- 人是按怎有的？
- 是按怎人會死？
神話裡無定著有神，窮實佇西國的語言（親像英語的 myth），字詞本身的意思和神並無底代，若準神話內底有神出現，嘛無一定是一个，或者是濟濟个。
神話有捌佇逐民族的社會內底，做真重要的宗教佮信仰的路用，毋過這款路用佇現代社會已經沓沓仔衰敗。
總是，神話佇逐个文化群體裡，猶原成做搜揣怹思想真重要的資料，佇文化人類學佮民俗學等等的學科內底，閣會進一步去做文化之間的比較（比較神話學），比論諾亞的大船(Noah's Ark)佮做大水，佇真濟文化群體裡攏有相siâng的故事，學者就會去研究看無仝的族群中間是毋是有甚物款的接接。