Tiong-hôa Bîn-kok chóng-thóng
Tiong-hôa Bîn-kok chóng-thóng (中華民國總統) sī Tiong-hôa Bîn-kok ê kok-ka goân-siú, chit-ūi tī 1948 nî siat-li̍p, kè-sêng Kok-bîn Chèng-hú chú-se̍k ê chit-lêng. In-ūi 1949 nî Kok-kiōng Lāi-chiàn liáu-āu, Tiong-hôa Bîn-kok ê thóng-tì hoān-ûi kio̍k-hān tī Tâi-oân tē-khu, só͘-tì bîn-kan ia̍h-sī kok-chè-siōng, mā kā Tiong-hôa Bîn-kok chóng-thóng hō-chò Tâi-oân chóng-thóng (臺灣總統).
| Tiong-hôa Bîn-kok ê chóng-thóng | |
|---|---|
 | |
| Chun-chheng | sian-siⁿ/lú-sū, koh-hā |
| Cho͘-chit sêng-oân | Kok-ka An-choân Hōe-gī |
| Koan-tí | Tiong-hôa Bîn-kok Chóng-thóng Koaⁿ-tí |
| Ki-koan só͘-chāi |
 Tâi-oân Tâi-pak-chhī Tiong-chèng-khu |
| Jīm-bēng | Kong-bîn ti̍t-chiap soán-kí |
| Jīm-kî | 4 tang (thang liân-soán liân-jīm 1 pái) |
| Hoat-lu̍t bûn-su |
Tiong-hôa Bîn-kok Hiàn-hoat, Tiong-hôa Bîn-kok Hiàn-hoat Cheng-siu Tiâu-bûn |
| Chiân-sin | Kok-bîn Chèng-hú chú-se̍k |
| Thâu chit jīm | Chiúⁿ Kài-se̍k |
| Siat-li̍p | 1948 nî 5 goe̍h 20 ji̍t |
| Hù-koan | Tiong-hôa Bîn-kok hù-chóng-thóng |
| Kang-chu | Ta̍k-kò-goe̍h Sin-tâi-phiò 53.1 bān (2024 nî) |
| Bāng-chām | Tiong-hôa Bîn-kok Chóng-thóng-hú |
.jpg)
Àn-chiàu Tiong-hôa Bîn-kok Hiàn-hoat, chóng-thóng tùi-gōa tāi-piáu Tiong-hôa Bîn-kok, thang hêng-sú tē-kiat tiâu-iok, soan-chiàn, kóng-hô chi khoân; tùi-lāi thang i-hoat kong-pò͘ hoat-lu̍t, hoat-pò͘ bēng-lēng, soan-pò͘ kài-giâm, hêng-sú tōa-sià, te̍k-sià, kiám-hêng, í-kip ho̍k-khoân chi khoân, koh thang jīm-bián bûn, bú koaⁿ-oân, kap siū-ú êng-tián (授與榮典). Tiong-hôa Bîn-kok chóng-thóng mā sī sam-kun thóng-sòe, thóng-sut choân-kok lio̍k, hái, khong khun.
Chit-ūi ê kè-sêng
siu-káiSoán-kí
siu-káiÀn-chiàu Tiong-hôa Bîn-kok Hiàn-hoat goân-sí ê kui-tēng, chóng-thóng iû Kok-bîn Tāi-hōe kàn-chiap soán-chhut, jīm-kî 6 tang, thang liân-soán liân-jīm 1 pái.
1990 nî-tāi, Tiong-hôa Bîn-kok si̍t-si hiàn-chèng kái-kek. Àn-chiàu Tiong-hôa Bîn-kok Hiàn-hoat Cheng-siu Tiâu-bûn 1992 nî ê siu-chèng, Tiong-hôa Bîn-kok chóng-thóng (kiau hù-chóng-thóng) sī Tiong-hôa Bîn-kok Chū-iû Tē-khu (Tâi-oân tē-khu) ê jîn-bîn ti̍t-chiap soán-kí soán-chhut, jīm-kî 4 tang, thang liân-soán liân-jīm 1 pái.
Tiong-hôa Bîn-kok tē 1 kái chóng-thóng ti̍t-soán tī 1996 nî khai-sí si̍t-si, kàu-taⁿ í-keng kí-hêng 8 kái chóng-thóng ti̍t-soán; chòe-kīn chi̍t kái soán-kí sī 2024 nî 1 goe̍h 13 kí-hêng, soán-chhut hiān-jīm chóng-thóng Lōa Chheng-tek, tī 2024 nî 5 goe̍h 20 chiū-jīm.
Chiū-chit
siu-káiPā-bián kap tân-hāi
siu-káiTāi-lí kap kè-jīm
siu-káiChit-khoân kap hù-sio̍k ki-koan
siu-káiChit-khoân
siu-káiHù-sio̍k ki-koan
siu-kái
Tiong-hôa Bîn-kok Chóng-thóng-hú sī chóng-thóng ê bō͘-liâu ki-koan. Chóng-thóng-hú ū siat 1 ūi pì-su-tiúⁿ, koh ū kúi-nā ê chu-chèng, kok-chhek kò͘-būn, chiàn-lio̍k kò͘-būn, thê-kiong chóng-thóng kok-chèng ì-kiàn.
Kok-ka An-choân Hōe-gī (Kok-an-hōe) sī Tiong-hôa Bîn-kok chhú-lí kok-ka an-choân ê thóng-tiû ki-koan, iû chóng-thóng tam-jīm Kok-an-hōe chú-se̍k.
Le̍k-jīm chóng-thóng
siu-káiSî-kan-te̍k
siu-kái
Siōng-teng
siu-káiTiong-hôa Bîn-kok thóng-sòe-kî (統帥旗), Tiong-hôa Bîn-kok chóng-thóng chi ìn (總統之印) lóng sī chóng-thóng ê siōng-teng.