Âng-keng-hún-tia̍p
| ?Âng-keng-hún-tia̍p | ||||||||||||||||
|---|---|---|---|---|---|---|---|---|---|---|---|---|---|---|---|---|
| ||||||||||||||||
| Seng-bu̍t-ha̍k hun-lūi | ||||||||||||||||
| ||||||||||||||||
| Ha̍k-miâ | ||||||||||||||||
| Delias pasithoe Linnaeus, 1767 |
Âng-keng-hún-tia̍p (Hàn-jī: 紅肩粉蝶; ha̍k-miâ: Delias pasithoe) sī chi̍t-chióng bóe-ia̍h-á, si̍t-kó· thíⁿ--khui ū 60 kàu 70 hô-bí. Kang--ê ê si̍t piáu-bīn (ka-chiah-phiaⁿ hit-bīn) té-sek sī o·-sek ê, ū phú-á-sek ê pan-bûn; ē-kha-si̍t-kó· piáu-bīn lāi-té pian-iân ū tōa-tōa ê n̂g-sek ê pan-bûn; ē-kha-si̍t-kó· ê pak-tó·-bīn ū chē-chē ê n̂g-sek ê pan, óa seng-khu hit-tah ū âng-sek ê pan. Bó--ê ê si̍t-kó· té-sek khah-chhián-sek, ē-kha-si̍t-kó· bô n̂g-sek ê pan.
Sêng-thâng (tōa-hàn-thâng) ji̍t--sî chhut-lâi o̍ah-tōng chhōe-chia̍h; chháu-si̍t-sèng (chia̍h-chhài--ê); tòa-tī chháu-châng hū-kīn; tī Tâi-oân chha-put-to kui-tang lóng-ū khoàiⁿ, hun-pò· tī kē-hái-po̍at kap tiong-hái-po̍at ê soaⁿ-khu.