Éng-lo̍k Tāi-tián
Éng-lo̍k Tāi-tián (永樂大典) sī chi̍t thò tī Tiong-kok Bêng-tiâu Éng-lo̍k nî-kan pian-choān ê lūi-su. I sī Tiong-kok le̍k-sú siōng kui-bô͘ siōng-tōa ê lūi-su. Kui thò chheh ū 22,937 koàn, 11,095 pún kap iok-lio̍k 3.7-ek ê hàn-jī. Bo̍k-chêng, Éng-lo̍k Tāi-tián ê chèng-pún hē-lo̍h put-bêng, hù-pún chhun bô-kàu 800 koàn; chit-ê sò͘-liōng kan-nā sī goân-lâi ê 4%. Encyclopædia Britannica kā Éng-lo̍k Tāi-tián hō-chò "sè-kài iú-sú í-lâi siōng-tōa pún ê pek-kho-choân-su".
