Thó-lūn:Lān-pha
(Tùi 膦脬 choán--lâi)
陰囊 siu-kái
膦脬的技術名詞號做陰囊，這是查埔動物的性器官的一部份，陰囊是一个袋仔，佇膦鳥後壁，肛門(糞口) 頭前，佮陰莖仝款屬於身驅的外口部位，陰囊和腹肚下爿的的皮膚是仝一片組織，袋仔的薄壁主要是皮膚佮平滑筋 (dartos fascia)，內底分做倒正二爿，一爿貯一粒睪丸 (膦核)和一條副睪丸(epididymis)，陰囊壁比邊仔的皮膚較濟 色素 (所以較深色)，閣有真濟油腺佮汗腺，嘛有寡毛細胞。
陰囊有保護睪丸的路用，閣因為佇體外，會當維持睪丸的溫度較下身軀正常的度數(37°C)，得著精蟲會得通正常發展，溫度見若過頭懸，陰囊的壁會放鬆，規个袋仔變落落、長長，按呢空氣較好載走加的熱量，啊若溫度傷下，就會反轉縮絚，運動抑是性刺激嘛會引起相(相同)的作用。
一寡仔動物的陰囊固定勼倚身軀，像講鳥鼠、豬、馬，所以(人因)另外有複雜的血筋系統來控制睪丸的溫度。
陰囊的降溫功能有時會無效去，發懸燒時是一个因素，有寡動物佇熱人的時陣，原仔會暫時袂生。
相關的文章 siu-kái
- ? (Hydrocoele)
- 水疝 ("大膦脬")
- 去勢