Au-chiu Phêng-gī-hoē
Au-chiu Phêng-gī-hoē (Eng-gí: Council of Europe, Hoat-gí: Conseil de l'Europe /kɔ̃ˈsɛj.də.lˈœʁɔp/, Tek-gí: Europarat /ɔɪ.ˈʁoː.pʰaˌʁaːtʰ/) sī 1 ê ū 47 ê hoē-oân kok ê Au-chiu kok-chè cho͘-chit. I ū sêng-kong tī 1950 nî chè-tēng Au-chiu Jîn-koân Kong-iok (European Convention on Human Rights), chit-ê kong-iok tī āu--lâi chiâⁿ-chò Au-chiu Jîn-koân Hoat-īⁿ (European Court of Human Rights) ê ki-chhó͘.
I ê chóng-pō͘ tī Hoat-kok ê Strasbourg, oá Hoat-kok kap Tek-kok ê kau-kài. Pún-té in khui-hoē ê só͘-chāi sī Strasbourg Tāi-ha̍k--ni̍h hō-chò "University Palace" ê toā-lâu, chū 1977 nî in tō lóng tiàm lī chhī-tiong-sim iok-kî-lio̍k 2 kong-lí ê Au-chiu Tiān-tông (Palais de l'Europe) chū-hoē kap pān-kong--a.
Au-chiu Phêng-gī-hoē hoan-gêng Au-chiu ê bîn-chú kok-ka ka-ji̍p, beh chò i ê hoē-oân, tio̍h chiap-siū hoat-tī ê goân-chek, khak-si̍t-tek pó-chiòng ki-pún ê jîn-koân kap kong-bîn ê chū-iû.
Au-chiu Phêng-gī-hoē kap Au-chiu Liân-bêng Lí-sū-hoē (Council of the European Union) iah Au-chiu Lí-sū-hoē(European Council) sī bô-kâng ê ki-kò͘, i pēng bô hù-sio̍k tī Au-chiu Liân-bêng ê ē-kha.
Chhiáⁿ chham-khó
siu-kái- Au-chiu Liân-bêng
- Au-chiu An-choân kap Ha̍p-chok Cho͘-chit (Organization for Security and Co-operation in Europe)
Pa̍t-ê bāng-ia̍h
siu-kái- Au-chiu Phêng-gī-hoē - Koaⁿ-hong bāng-chām