Bân-lâm Kim Saⁿ-kak
Bân-lâm Kim Saⁿ-kak (閩南金三角) sī Tiong-kok Hok-kiàn-séng Bân-lâm iân-hái ê Ē-mn̂g, Choân-chiu kap Chiang-chiu saⁿ ê tē-kip-chhī kap in só͘ koán-hat ê koān-khu. Jîn-kháu 1700-goā bān lâng, chú-iàu kóng Bân-lâm-gú Choân Chiang hong-giân, châi-chèng siu-ji̍p tāi-iok chiàm Hok-kiàn-séng ê 52%, chìn-chhut-kháu lóng-chóng chiàm Hok-kiàn choân séng ê 70%, keng-chè seng-sán-liōng (GDP) chiàm Hok-kiàn-séng ê 4-siâⁿ, sī Tiong-kok tāi-lio̍k tī keng-chè kái-kek khai-hòng liáu-āu keng-chè khah hoat-ta̍t ê tē-khu chi-it, iā sī Tâi-siong tâu-chu pí-kàu bi̍t-chi̍p ê só͘-chāi. Chit-ê miâ-chheng in-chhú chú-iàu sī iōng tī keng-chè sū-bū, chia̍p the̍h-lâi hām Tiông-kang Saⁿ-kak-chiu kap Chu-kang Saⁿ-kak-chiu téng-téng keng-chè hoat-ta̍t ê tē-khu chò pí-kàu. Kî-tiong Ē-mn̂g oá-khò keng-chè te̍k-khu, káng-kháu chiâⁿ-chò Tiong-kok tang-lâm iân-hái ê tiōng-iàu káng-kháu. Choân-chiu oá-khò hoat-ta̍t ê chè-chō-gia̍p, bu̍t-liû hâng-gia̍p phông-pu̍t hoat-tián. Chiang-chiu tng-teh ùi í lông-gia̍p ûi-chú, hiòng kang-gia̍p-hoà choán-hêng.
Iû-lâi siu-kái
Bân-lâm kim saⁿ-kak sī Tiong-kok iân-hái keng-chè khai-hòng khu chi-it. Iân-hái keng-chè khai-hòng khu pau-koat Tiông-kang Saⁿ-kak-chiu, Chu-kang Saⁿ-kak-chiu , Bân-lâm saⁿ-kak tē-khu, Liâu-tang poàn-tó, Soaⁿ-tang poàn-tó téng-téng.