Chester Nimitz
Chester Nimitz (Eng-bûn: Chester William Nimitz; 1885 nî 2 goe̍h 24 ji̍t – 1966 nî 2 goe̍h 20 ji̍t) sī Bí-kok Hái-kun le̍k-sú siōng ê chi̍t ūi chiong-kun, i siōng kôan ê kun-kai sī gō͘-chheⁿ goân-sòe. Nimitz chá-nî choan-bûn gián-kiù chǹg-chúi-théng, āu-lâi chiâⁿ-chòe Bí-kun lāi-bīn chhâ-iû iân-jín ê ki-su̍t choan-ka. Tī Thài-pêng-iûⁿ Chiàn-cheng po̍k-hoat liáu-āu, Nimitz chhut-jīm Bí-kok Thài-pêng-iûⁿ Lām-tūi ê chóng-su-lēng, khai-sí chú-tō tùi Ji̍t-pún ê chiàn-sū. Chiàn-āu, Nimitz tam-jīm Hái-kun Chok-chiàn Pō͘-tiúⁿ, it-ti̍t chò kàu 1947 nî thè-ngó͘ ûi-chí.
Chester Nimitz | |
|---|---|
 1960 nî chó-iū | |
| Chhut-sì |
1885 nî 2 goe̍h 24 ji̍t Bí-kok Texas |
| Koè-sin |
1966 nî 2 goe̍h 20 ji̍t (80 hòe) Bí-kok California Kū-kim-soaⁿ |
| Kok-che̍k |
Bí-kok |
| Chit-gia̍p | kun-jîn |
Nimitz tī 1966 nî kòe-sin. Bí-kok Hái-kun ūi-tio̍h beh kì-liām Nimitz, kā i kòe-sin liáu-āu ê tē-it chiah hâng-khong-bú-lām hō-chòe Nimitz-kip Hâng-khong-bú-lām, mā sī lo̍h-bóe ê Nimitz-hō Hâng-khong-bú-lām. Lēng-gōa, tī Hawaii Honolulu kap California Kū-kim-soaⁿ, iáu-ū chi̍t tiâu kì-liām i ê Nimitz ko-sok kong-lō͘.