Iam
Iam (閹) sī kā tōng-bu̍t ê seⁿ-si̍t-khì koah-tû, he̍k-chiá sī hō͘ i bô-hoat-tō͘ seng-io̍k ê chhiú-tōaⁿ.
Tī lâng ê le̍k-sú siōng, ia̍h-sī tī bô-kāng ê bûn-hòa thé-hē lāi, in-ūi chong-kàu kap siā-hōe su-iàu lóng bat chhut-hiān kòe iam-koah ê hêng-ûi, te̍k-pia̍t sī tī tiong-sè ê Au-chiu, Tiong-kok, Tiong-tang kap Hui-chiu chin chia̍p-khòaⁿ. Tī chiàn-āu, sèng-lī ê chi̍t hong ē thàu-kòe iam-koah tùi-hong lâi piáu-sī ka-kī ê sèng-lī kap siau-jio̍k tùi-hong ê le̍k-liōng, he̍k-chiá sī kā in piàn chò thài-kàm lâu tī kiong-têng lāi ho̍k-sāi kùi-cho̍k.