Ji̍t-pún A-lú-mih Tu-sek Hōe-siā

Ji̍t-pún A-lú-mih Tu-sek Hōe-siā (日本アルミニウム株式會社 nippon aruminiumu kabusiki-gaisya; Eng-gí miâ: The Japan Aluminium Company, Limited), sī Tâi-oân Tiān-le̍k Tu-sek Hōe-siā ê siā-tiúⁿ Matuki Kanitirô (松木幹一郎) kap hù-siā-tiúⁿ Andati Husazirô (安達房治郎) thui-tōng hā, Isaka Takasi (井坂孝) téng si̍t-gia̍p-ka tī 1935 nî kiàn-li̍p ê a-lú-mih chè-chō hōe-siā.

Ko-hiông Kang-tiûⁿ tōa-mn̂g.

In pún-siā tī Tang-kiaⁿ, tē-it keng kang-tiuⁿ siat tī Ko-hiông-chhī, āu-lâi mā tī Hoa-lian-káng-chhī kap Ji̍t-pún pún-thó͘ ê Yawata-chhī (八幡市) siat chhiúⁿ. In--ê kang-tiûⁿ tī Jī-chhù Tāi-chiàn tang-tiong siū-hāi giâm-tiōng.

Chiàn-āu ê chhú-tì

In ùi Tâi-oân ê sán-gia̍p chiàn-āu sī Tiong-hôa Bîn-kok siu chò Tâi-oân Lú-gia̍p Kong-si, āu--lâi koh bē hō͘ Tiong-kok Kǹg-thih, kái hō Tiong-kǹg Lú-gia̍p.

Chham-khó

• 昭和十八年 臺灣會社年鑑. 臺灣經濟研究會. 1942. 
• "日本アルミニウム會社". 臺灣を代表するもの. 臺灣新聞社. 1935. 
• 陳慈玉 (2012). "日本統治期における台湾輸出産業の発展と変遷（下）". 立命館経済学. 立命館大学. 61 (1). 

Siong-koan

• Ji̍t-pún A-lú-mih Tu-sek Hōe-siā Ko-hiông Kang-tiûⁿ