Lîm An-khó
| 這篇文章有漢字兮版本。 參考這篇文章兮漢字版本。 |
Lîm An-khó (1997-nî 5-goe̍h 19 chhut-sì ) sī Tâi-oân Tâi-lâm-chhī chhut-sin ê chit-gia̍p iá-kiû soán-chhiú, chit-má tī Tiong-hôa Chit-pāng Thóng-it 7-ELEVEn Sai, bat tam-jīm kòe tâu-chhiú, siú-pī ūi-tì sī gōa-iá-chhiú.
| Lîm An-khó 林安可 | |||
|---|---|---|---|
| Thóng-it 7-ELEVEn Sai – No. 77 | |||
| gōa-iá-chhiú, lāi-iá-chhiú, tâu-chhiú | |||
Chhut-sì: 1997 nî 5 goe̍h 19 ji̍t (27 hòe) Tiong-hôa Bîn-kok Tâi-lâm-chhī An-lâm-khu | |||
| |||
| Chho͘-chhù chhut-sài | |||
| 2019-nî 8-goe̍h 10-hō, tī Thóng-it 7-ELEVEn Sai | |||
| Seng-gâi sò͘-kì thóng-kè (chì 2023 nî ûi-chí) | |||
| Táⁿ-kek-lu̍t | 0.288 | ||
| An-táⁿ | 376 | ||
| Choân-lûi-táⁿ | 69 | ||
| Táⁿ-tiám | 233 | ||
| Thau-luí | 32 | ||
| Tūi-ngó͘ | |||
|
| |||
| Seng-gâi cheng-chhái piáu-hiān kah ti̍t-chióng | |||
|
| |||
| Tit-kàu ê chióng | ||
|---|---|---|
Representing  中華臺北
| ||
| Sè-kài Iá-kiû 12-kiông Sài | ||
 |
2024-nî Tang-kiaⁿ | Thoân-tūi |
| A-chiu Ūn-tōng-hōe | ||
 |
2022-nî Hâng-chiu | Thoân-tūi |
| A-chiu Iá-kiû Kím-phiau-sài | ||
|
2017-nî Tâi-oân | Thoân-tūi |
Seng-pêng
siu-káiLîm An-khó ê a-pah sī Tâi-oân-lâng, a-bú sī A-kin-tîng-lâng, tī kok-sió 4-nî ê sî ka-ji̍p iá-kiû-tūi. 3-kip iá-kiû sî-kî tâu táⁿ lóng ū chiâⁿ hó ê piáu-hiān, chìn-ji̍p Bûn-hòa Tāi-ha̍k liáu-āu chú-iàu tam-jīm tâu-chhiú, mā chok kî-thāi ē-tàng í tâu-chhiú ê sin-hūn khì kok-gōa hoat-tián. 2018-nî 11-goe̍h bat khì Ji̍t-pún chiap-siū Ji̍t-pún Chit-pāng Tang-pak Lo̍k-thian Golden Eagles ê chhek-chhì, tān-sī lo̍h-bóe in-ūi thé-kiám bô-kòe bô-hoat-tō͘ chhiam-iok[1]。
2019-nî 7-goe̍h tī Tiong-hôa Chit-pāng kùi-tiong soán-siù-hōe tiong hō͘ Thóng-it 7-ELEVEn Sai í tē-1-lûn tē-4-ūi kéng ji̍p-khì, kāng-goe̍h tio̍h-oân-sêng chhiam-iok[2], sui-jiân í tâu-chhiú sin-hūn pò-miâ, tān-sī in-ūi pòaⁿ-kùi ka-bêng, só͘-í seng tam-jīm iū-gōa-iá-chhiú ûi-chú, "tâu táⁿ jī-to-liû" tio̍h tī keh-nî kiû-kùi chiah beh chhì. 9-goe̍h 20 in-ūi it-kun táⁿ-se̍k-sò͘ í-keng chiap-kīn sin-jîn-ông ê chu-keh, ka-siōng kiû-tūi chiàn-chek chhi-chhám kah kùi-āu-sài bô-iân, tio̍h hőng pàng-lo̍h-khì jī-kun lâi pó-liû āu-chi̍t-kùi ê chu-keh.
2020-nî tùi chhun-hùn khai-sí chhì-khòaⁿ-māi "tâu táⁿ jī-to-liû", tān-sī 3-goe̍h-chho͘ ê sî in-ūi kàu-liān-thoân kám-kak khòng-kiû kah kiû-sok lóng thang koh kái-siān, iah bē-tàng kóng sī chheng-chit ê tâu-chhiú, só͘-í koat-tēng hō͘ Lîm An-khó pún-kùi choan-jīm iá-chhiú, "tâu táⁿ jī-to-liû" lâi-nî chiah-koh thiáu-chiàn[3]. Tān-sī 2021-nî Lîm An-khó chhun-hùn tio̍h bô koh chhì jī-to-liû ah, choan-jīm iá-siú.
Keng-le̍k
siu-kái- Tâi-lâm-chhī An-lâm-khu An-khèng Kok-sió Siàu-pāng-tūi
- Tâi-lâm Chhī-li̍p Kiàn-heng Kok-bîn Tiong-ha̍k Chheng-siàu-pāng-tūi
- Tâi-lâm-chhī Su-li̍p Lâm-eng Ko-kip Siong-kang Chit-gia̍p Ha̍k-hāu Chheng-pāng-tūi
- A-chiu Chheng-pāng Kím-phiau-sài Tiong-hôa Tāi-piáu-tūi (2014)
- U-18 Sè-kài-poe Iá-kiû-sài Tiong-hôa Tāi-piáu-tūi (2015)
- U-23 Sè-kài-poe Iá-kiû-sài Tiong-hôa Tāi-piáu-tūi (2016)
- Tâi-pak-chhī Tiong-kok Bûn-hòa Tāi-ha̍k Iá-kiû-tūi (Bí-hu Kī-jîn)
- Chông-oa̍t Chún-eng Iá-kiû-tūi (2018-nî－2019-nî)
- Tiong-hôa Chit-pāng Thóng-it 7-ELEVEn Sai (2019-nî 7-goe̍h 23－)
Chit-pāng Seng-gâi Sêng-chek
siu-káiTiong-hôa Chit-pāng
siu-kái- (Chho͘-o͘-jī sī hit-nî siōng-hó ê sêng-chek)
| Nî-tō͘ | Kiû-tūi | Chhut-sài | Táⁿ-sò͘ | An-táⁿ | Hőng-bú-láng | Táⁿ-tiám | Tit-hun | Thau-luí | Sì-sí | Sa̋n-sín | Lúi-táⁿ-sò͘ | Siong-sat | Táⁿ-kek-lu̍t | Chiōⁿ-lúi-lu̍t | Tn̂g-táⁿ-lu̍t | OPS |
|---|---|---|---|---|---|---|---|---|---|---|---|---|---|---|---|---|
| 2019 | Thóng-it 7-ELEVEn Sai | 29 | 106 | 27 | 2 | 13 | 14 | 0 | 15 | 30 | 40 | 1 | 0.255 | 0.347 | 0.377 | 0.724 |
| 2020 | Thóng-it 7-ELEVEn Sai | 118 | 432 | 134 | 32 | 99 | 90 | 10 | 67 | 113 | 255 | 6 | 0.310 | 0.400 | 0.590 | 0.990 |
| 2021 | Thóng-it 7-ELEVEn Sai | 114 | 387 | 117 | 16 | 67 | 70 | 17 | 62 | 75 | 183 | 5 | 0.302 | 0.395 | 0.473 | 0.868 |
| 2022 | Thóng-it 7-ELEVEn Sai | 38 | 123 | 34 | 4 | 19 | 16 | 3 | 14 | 20 | 52 | 1 | 0.276 | 0.348 | 0.423 | 0.771 |
| 2023 | Thóng-it 7-ELEVEn Sai | 76 | 259 | 64 | 15 | 35 | 40 | 2 | 30 | 57 | 122 | 5 | 0.247 | 0.322 | 0.471 | 0.793 |
| Ha̍p-kè | 5-nî | 375 | 1307 | 376 | 69 | 233 | 230 | 32 | 188 | 295 | 652 | 18 | 0.288 | 0.374 | 0.499 | 0.873 |
Te̍k-sû Sū-chek
siu-kái- 2017-nî tē-19-kài Mûi-hoe-kî Choân-kok Tāi-ha̍k Iá-kiû Kím-phiau-sài MVP, tâu-chhiú-chióng.
- 2019-nî 8-goe̍h 11, tī Hoa-liân Koān-li̍p Tek-heng Iá-kiû-tiôⁿ thâu-1-pái sian-hoat, bīn-tùi Lamigo Thô-oân, siú-pī ūi-tì sī iū-gōa-iá-chhiú. Keh-ji̍t tī kâng chi̍t-ê tē-tiôⁿ chài-tō͘ sian-hoat, thâu-1-ê táⁿ-se̍k tit-tio̍h sì-pháiⁿ-kiû pó-sàng, thâu-1-pái khiā khì--lih lúi-pau, tī tē-2 táⁿ-se̍k bīn-tùi sian-hoat tâu-chhiú Grimes phah-chhut seng-gâi thâu-1-ê an-táⁿ. Tē-4 táⁿ-se̍k bīn-tùi Lōa Tì-hoân kòng-chhut chó-gōa-iá hong-hiòng 3-hun táⁿ-tiám ê hőng-bú-láng, sī i seng-gâi tē-1-hong[4]。
- 2019-nî 8-goe̍h 22, tī Tâi-lâm Chhī-li̍p Iá-kiû-tiôⁿ tùi-chiàn Lamigo Thô-oân, tī iân-tn̂g-sài ê tē-11-kio̍k bīn-tūi Âng Sèng-khim phah-chhut kò-jîn chit-pāng seng-gâi thâu-1-ki chài-kiàn an-táⁿ, hō͘ Thóng-it 7-ELEVEn Sai lo̍h-bóe í 8 pí 7 phah-iâⁿ Lamigo Thô-oân[5]。
- 2020-nî 4-goe̍h 30, tī Tâi-lâm Chhī-li̍p Iá-kiû-tiôⁿ tùi-chiàn Tiong-sìn Hiaⁿ-tī, tī 5-kio̍k-hā bīn-tùi Phêⁿ Sek-éng kòng-chhut kò-jîn chit-pāng seng-gâi thâu-1-ki móa-lúi choân-lúi-táⁿ.[6]
- 2020-nî 5-goe̍h 1-hō, Tâi-lâm Chhī-li̍p Iá-kiû-tiôⁿ tùi-chiàn Hù-pang Hān-chiòng ê pí-sài tang-tiong, 2-kio̍k-hā bīn-tùi tùi-hong sian-hoat tâu-chhiú Sosa kòng-chhut 3-hun-phàu, liân-sòa sì-tiôⁿ kòng-chhut hőng-bú-láng, kah Tiong-chit sin-jîn kì-lo̍k pêⁿ-chē (2016-nî Ông Pek-iông).[7]
- 2020-nî kiû-kùi, in-ūi COVID-19 ê koan-hē, sè-kài-siōng só͘-ū ê chit-pāng sài-sū lóng chiām-thêng, kan-na Tiong-hôa Chit-pāng thang kè-sio̍k pí-sài, thàu-kòe choân-kiû Eng-gí choán-pò͘, hō͘ sè-kài lóng koan-chù tio̍h Tâi-oân ê iá-kiû, ū chi̍t-pòaⁿ A-kin-tîng hiat-thóng ê Lîm An-khó, koh siū-tio̍h A-kin-tîng mûi-thé ê choan-hóng pò-tō.[8]
- 2020-nî 6-goe̍h 20, tī Sin-chng Ia-kiû-tiôⁿ tùi-chiàn Hù-pang Hān-chiòng ê pí-sài tang-tiong, kòng-chhut kò-jîn chit-pāng seng-gâi thâu-1-pái ê tan-tiôⁿ siong-hióng-phàu.[9]
- 2020-nî 6-goe̍h 21, tī Sin-chng Iá-kiû-tiôⁿ tùi-chiàn Hù-pang Hān-chiòng ê pí-sài tang-tiong, ta̍t-sêng kò-jîn chit-pāng seng-gâi 1-tiôⁿ 6-hun táⁿ-tiám ê sin-kì-lo̍k, jî-chhiáⁿ liân-sòa 2-kang tan-tiôⁿ siong-hióng-phàu, pēng-chhiáⁿ liân-sòa 4-tiôⁿ kòng-chhut hőng-bú-láng.[10]
- 2020-nî 6-goe̍h 27, tī Thô-hn̂g Kok-chè Iá-kiû-tiôⁿ tùi-chiàn Lo̍k-thian Thô-oân, ta̍t-sêng pún-kùi tē-3-pái ê tan-tiôⁿ siong-hióng-phàu (mā sī kīn 5-chiàn ê tē-3-pái).[11]
- 2020-nî 7-goe̍h 1-hō, tī Tâi-lâm Iá-kiû-tiôⁿ tùi-chiàn Hù-pang Hān-chiòng, bīn-tùi Iôⁿ Pin phah-chhut kò-jîn chit-pāng seng-gâi tē-100-ki an-táⁿ.[12]
- 2020-nî8-goe̍h 6-hō, tī Tâi-tiong Chiu-chè Iá-kiû-tiôⁿ tùi-chiàn Tiong-sìn Hiaⁿ-tī, 8-kio̍k-siōng bīn-tùi Tân Pek-hô kòng-chhut iū-gōa-iá hong-hiòng ê móa-lúi choân-lúi-táⁿ, sī kò-jîn seng-gâi (mā sī pún-kùi) tē-2-ki móa-lúi choân-lúi-táⁿ.
- 2020-nî 9-goe̍h 29, tī Tâi-lâm Iá-kiû-tiôⁿ tùi-chiàn Tiong-sìn Hiaⁿ-tī, bīn-tùi Koan Tāi-goân kòng-chhut hit1-kùi tē-30-ki hőng-bú-láng, mā chhòng-chō sin-jîn-nî siōng-chē choân-lúi-táⁿ ê kì-lo̍k (goân kì-lo̍k sī Ông Pek-iông tī 2016-nî ê 29-ki). mā-sī siōng siàu-liân ta̍t-sêng 30-hong ê táⁿ-chiá, Thóng-it Sai thâu-1-ūi ta̍t-sêng chi̍t-kùi 30-hong ê pún-thó͘ táⁿ-chiá.[13]
- 2020-nî 11-goe̍h 5-hō, Tiong-chit Tâi-oân Tōa-sài tē-3-tiôⁿ tùi-chiàn Tiong-sìn Hiaⁿ-tī, 2-kio̍k-hā bīn-tùi tùi-hong sian-hoat tâu-chhiú Miranda phah-chhut seng-gâi tī Tâi-oân Tōa-sài ê thâu-1-ki sam-lúi an-táⁿ.
- 2020-nî Tâi-oân Tōa-sài tùi-chiàn Tiong-sìn Hiaⁿ-tī, 7-tiôⁿ pí-sài lóng sī sian-hoat chhut-sài, phah-chhut choân-tūi siōng chē ê 10-ki an-táⁿ, táⁿ-kek-lu̍t 0.370 choân-tūi tē-2-koân, sī Thóng-it 7-ELEVEn Sai tit-tio̍h chóng-koan-kun ê tiōng-iàu kong-sîn chi-it.
- 2021-nî 7-goe̍h 21, tī Thô-hn̂g Kok-chè Iá-kiû-tiôⁿ tùi-chiàn Lo̍k-thian Thô-oân, bīn-tùi Tioⁿ Hí-khái phah-chhut kò-jîn chit-pāng seng-gâi ê tē-200-ki an-táⁿ.
- 2024-nî 4-goe̍h 12, tī Tâi-lâm Iá-kiû-tiôⁿ tùi-chiàn Tâi-kǹg Hiông-eng, bīn-tùi Lûi-kong kòng-chhut chài-kiàn móa-lúi choân-lúi-táⁿ, sī seng-gâi thâu-1-ki chài-kiàn móa-lúi choân-lúi-táⁿ.
Chham-khó Chu-liāu
siu-kái- ↑ "存档副本". Goân-pún bāng-ia̍h Pó-chûn tī 2019-07-13. 2019-09-18 khòaⁿ--ê.
- ↑ 中職／簽約金530萬月薪10萬 林安可披77號加盟統一，pb+，20180723
- ↑ 中職／林安可「二刀流」喊卡 今年專職當打者 Ia̍h-bīn chûn-àn pī-hūn，聯合報，20200307
- ↑ 中職／林安可敲3分砲 首安首轟首打點都出爐 Ia̍h-bīn chûn-àn pī-hūn，聯合報，20190811
- ↑ 人生首支再見安打 林安可：感謝團隊合作 Ia̍h-bīn chûn-àn pī-hūn，ETtoday，2019-08-22
- ↑ 林安可生涯首支滿貫砲力挺潘威倫搶下本季首勝 Ia̍h-bīn chûn-àn pī-hūn，聯合新聞網，2020-04-30
- ↑ 林安可連4場開轟追平大王紀錄 Ia̍h-bīn chûn-àn pī-hūn，自由時報，2020-05-01
- ↑ 阿根廷球迷因他支持統一獅 林安可和阿媒分享台灣防疫生活 Ia̍h-bīn chûn-àn pī-hūn，三立新聞網，2020-05-16
- ↑ 林安可生涯首次雙響砲 連3場開轟太可怕 Ia̍h-bīn chûn-àn pī-hūn，三立新聞網，2020-06-20
- ↑ 中職／林安可連兩場雙響砲 獅隊超車悍將隊登第三 Ia̍h-bīn chûn-àn pī-hūn，聯合新聞網，2020-06-21
- ↑ 林安可單場雙響砲7打點 統一21比5勝樂天 Ia̍h-bīn chûn-àn pī-hūn，蘋果日報，2020-06-27
- ↑ 林安可18轟追上蘇智傑 生涯百安達成，ETtoday，2020-07-01
- ↑ 中職》太狂！打破王柏融2紀錄 林安可成史上最會轟新人 Ia̍h-bīn chûn-àn pī-hūn，自由時報，2020-09-29
Gōa-pō͘ Liân-kiat
siu-káiTâi-oân Pāng-kiû Wiki-koán：林安可(Hàn-gí)
Pang-bô͘:Thóng-it 7-ELEVEn Sai kiû-oân miâ-toaⁿ
Pang-bô͘:Thóng-it 7-ELEVEn Sai 2020-nî Tiong-hôa Chit-pāng chóng-koan-kun
Pang-bô͘:2022-nî A-ūn Iá-kiû-sài Tiong-hôa Tâi-pak Tāi-piáu-tūi