Sè-kài Iá-kiû 12-kiông Pí-sài
| 這篇文章有漢字兮版本。 參考這篇文章兮漢字版本。 |
Sè-kài Iá-kiû 12-kiông Pí-sài (Eng-gí: WBSC Premier 12), kán-chheng Iá-kiû 12-kiông Sài, 12-kiông Sài ia̍h 12-kiông, sī Sè-kài Pāng-lúi-kiû Chóng-hōe kí-pān ê kok-chè iá-kiû sài-sū. Sè-kài Pāng-lúi-kiû Chóng-hōe in-ūi Sè-kài-poe Iá-kiû-sài tī 2011-nî kiâⁿ-ji̍p le̍k-sú, sè-kài-sèng ê téng-kip iá-kiû sài-sū kan-na chhun Sè-kài Iá-kiû Keng-tián-sài niā-niā, te̍k-pia̍t tī sio-óa ê nn̄g kài Sè-kài Iá-kiû Keng-tián-sài tiong-ng sin-chhòng chit-hāng sài-sū[1], hō͘ téng-kip sài-hōe ê keng-keh sî-kan bē sioⁿ tńg. In-ūi nn̄g-hāng sài-sū lóng-sī 4-nî chi̍t-kài, tùi 2013-nî khai-sí, Sè-kài Iá-kiû Keng-tián-sài kah Sè-kài Iá-kiû 12-kiông Sài múi 2 tang kau-thè kí-pān chi̍t kái. tē 1 kài tī 2015-nî 11-goe̍h tī Tâi-oân kah Ji̍t-pún kí-pān, lóng-chóng ū 12 tūi chham-ka[2][3]; tē 2 kài tī 2019-nî 11-goe̍h tiàm Tâi-oân, Be̍k-se-ko, Hân-kok kí-hêng ū-sài, Ji̍t-pún kí-hêng koat-sài, ta̍k kài ū 12 tūi chham-sài; in-ūi COVID-19 ê éng-hióng, tē 3 kài iân-tî chi̍t tang tī 2024-nî 11-goe̍h tiàm Tâi-oân, Bí-kok kap Ji̍t-pún kí-hêng, lóng-chóng ū 12 tūi chham-sài.
Bo̍k-chêng kiû-kùi he̍k-chiá pí-sài: 2024-nî Sè-kài Iá-kiû 12-kiông Pí-sài | |
| tóng-àn:WBSC Premier12.svg | |
| Ūn-tōng | Iá-kiû |
|---|---|
| Tē-it kài kiû-kùi | 2015-nî |
| Tūi-ngó͘ sò͘-liōng | 12 |
| Chòe-kīnkoan-kun |
 Tâi-oân (1) |
| Siōng-chē koan-kun |
 Hân-kok Ji̍t-pún Tâi-oân(Kok 1-pái) |
| Chhòng-pān-jîn | Sè-kài Pāng-lúi-kiû Chóng-hōe (WBSC) |
| Koaⁿ-hong bāng-chām | WBSC Koaⁿ-hong bāng-chām |
Chit-ê sài-sū sī thâu-chi̍t-pái chhái-iōng Sè-kài Pāng-lúi-kiû Chóng-hōe iá-kiû sè-kài pâi-miâ chò koat-tēng chham-sài kok-ka ki-chè ê sài-sū, iû pí-sài nî-tō͘ chêng-chi̍t-tang ê nî-bóe pâi-miâ 1 ～ 12 miâ ê kok-ka tit-tio̍h hit-kài chham-sài ê chu-keh. Chit-ê chè-tō͘ sī ūi-tio̍h khak-pó chit-hāng sài-sū ē-tàng iû sè-kài pâi-miâ siōng thâu-chêng ê kok-ka-tūi chham-sài, lēng-gōa mā kó͘-lē ta̍k-ê kok-ka ē-sái khah chek-ke̍k ê tâu-ji̍p kî-thaⁿ koan-hē tio̍h pâi-miâ ê pí-sài.
Kài-iàu
siu-káiTī Bí-kok Chit-pāng Tāi-liân-bêng só͘ chú-pān ê Sè-kài Iá-kiû Keng-tián-sài chiâⁿ-chò ta̍k-ke siōng tiōng-sī ê kok-chè iá-kiû pí-sài liáu-āu, goân-té IBAF só͘ kí-hêng ê Sè-kài-poe Iá-kiû-sài kah Chiu-chè-poe Iá-kiû-sài ê éng-hióng-le̍k su Keng-tián-sài chiâⁿ chē, lo̍h-bóe koat-tēng bô-ài koh kè-sio̍k kí-pān--ah, kái-chò 4-nî chi̍t-pái ê pí-sài tāi-thè, sî-kan tio̍h soán-te̍k Sè-kài Iá-kiû Keng-tián-sài tiong-ng hit tang. Sài-sū kéng-chhut thong-sè-kài siōng kiông ê 12-ê kok-ka-tūi chham-ka, tān-sī kah goân-té Sè-kài-poe Iá-kiû-sài chham-sài kok-ka-tūi chú-iàu í gia̍p-î kiû-oân cho͘-sêng bô-kâng, sī í chit-gia̍p kiû-oân ûi-chú[4].
Sui-jiân ta̍k-ê kok-ka ê chit-pāng liân-bêng lóng ē hō͘ só͘-sio̍k ê chit-gia̍p kiû-oân chham-sài, tān-sī Bí-kok Chit-pāng Tāi-liân-bêng kàu-taⁿ lóng bô-siáⁿ beh hō͘ MLB ê kiû-oân chham-ka. Nā án-ne, chit-hāng sài-sū ê téng-kip tio̍h ē khah sêng kòe-khì 2-kài ê Ò-ūn iá-kiû, jî-chhiáⁿ kui-bô͘ bêng-hián koh-khah-tōa (tūi-sò͘ khah chē, ū khah ha̍p-lí ê chham-sài chu-keh chè-tō͘), tān-sī khah-su Keng-tián-sài.
thâu-chi̍t-kài tī 2015-nî 11-goe̍h kí-pān, pēng-chhiáⁿ kui-ōe chò Ò-ūn iá-kiû chu-keh-sài, nā 2020-nî Tang-kiaⁿ Ò-ūn ū iá-kiû, 2019-nî tē-2-kài pí-sài tio̍h ē chiâⁿ-chò Tang-kiaⁿ Ò-ūn chu-keh-sài.[5]
12-tūi hun-chò nn̄g-cho͘ chìn-hêng ū-sài, hun-cho͘ thâu-4-miâ chìn-kip 8-kiông pòaⁿ chún-koat-sài. Pòaⁿ chún-koat-sài iâⁿ-ê kiû-tūi chìn-kip 4-kiông chún-koat-sài. Chún-koat-sài iâⁿ-ê tio̍h-phah koan-kun-sài, su-ê phah kùi-kun-sài.
Chham-sài kiû-tūi tùi sài-sū kí-pān chêng 1-tang ê nî-bóe iá-kiû sè-kài pâi-miâ thâu 12-miâ ê kok-ka-tūi sán-seng.
Chit-ê sài-sū ê miâ bat hőng kái-chò "IBAF Super12"[2][6], m̄-koh āu--lâi tio̍h hőng siu-chèng tńg--lâi.
Chham-sài Kok-ka
siu-káiChit-ê sài-sū ê chham-ka tūi-ngó͘ ē kin-kì tang-sî siōng sin ê WBSC sè-kài pâi-miâ ê thâu 12 miâ kok-ka-tūi chham-ka.
Le̍k-kài Sài-sū Kiat-kó
siu-kái| Nî-hūn | Koat-sài tē-tiám | Koat-sài | Tâng-pâi-sài (4-kiông) | ||||||
|---|---|---|---|---|---|---|---|---|---|
| Koan-kun | Pí-sò͘ | A-kun | Kùi-kun | Pí-sò͘ | Tiān-kun | ||||
| 2015-nî |  Ji̍t-pún Tang-kiaⁿ
|
Hân-kok |
8–0 |  Bí-kok |
Ji̍t-pún |
11–1 (F/7) |
 Be̍k-se-ko | ||
| 2019-nî | Ji̍t-pún Tang-kiaⁿ
|
Ji̍t-pún |
5–3 | Hân-kok |
Be̍k-se-ko |
3–2 (F/10) |
Bí-kok | ||
| 2024-nî | Ji̍t-pún Tang-kiaⁿ
|
Tâi-oân
|
4–0 | Ji̍t-pún |
Bí-kok |
6–1 |  Venezuela | ||
Chióng-pâi Sò͘
siu-kái| Pâi-miâ | Kok-ka / Tē-khu | Koan-kun | A-kun | Kùi-kun | Chóng-sò͘ |
|---|---|---|---|---|---|
| 1 | Ji̍t-pún |
1 | 1 | 1 | 3 |
| 2 | Hân-kok |
1 | 1 | 0 | 2 |
| 3 | Tâi-oân |
1 | 0 | 0 | 1 |
| 4 | Bí-kok |
0 | 1 | 1 | 2 |
| 5 | Be̍k-se-ko |
0 | 0 | 1 | 1 |
| lóng-chóng | 3 | 3 | 3 | 9 | |
Chú-tê Im-ga̍k
siu-kái- Heroic Charge（Bryce Jacobs）[7]
Siong-koan Bûn-chioⁿ
siu-káiChham-khó Chu-liāu
siu-kái- ↑ "'Premier 12' Elite Baseball World Championship to be Launched in 2015". goân-loē-iông tī 2015-10-14 hőng khó͘-pih. 2014-11-21 khòaⁿ--ê.
- ↑ 2.0 2.1 IBAF Congress approves new Format of International Tournaments Archived 2015-11-02 at the Wayback Machine. (Eng-gí)
- ↑ "野球の新国際大会「プレミア１２」、第１回は日本開催". 朝日新聞Digital (ēng Ji̍t-pún-gí). 2013-03-07. goân-loē-iông tī 2013-11-24 hőng khó͘-pih. 2013-03-08 khòaⁿ--ê.
- ↑ "WBCを世界一決戦と公認 国際野球連盟". 日刊體育 (ēng Ji̍t-pún-gí). 2011-12-04. goân-loē-iông tī 2020-11-07 hőng khó͘-pih. 2012-03-13 khòaⁿ--ê.
- ↑ "「十二強大賽」：頂級棒球世界冠軍賽事將於2015年舉辦". goân-loē-iông tī 2015-10-13 hőng khó͘-pih. 2015-03-23 khòaⁿ--ê.
- ↑ "IBAF introduces new Format of International Tournaments". Goân-pún bāng-ia̍h Pó-chûn tī 2015-09-24. 2013-03-19 khòaⁿ--ê.
- ↑ Alex Bell (2019-10-29). "WBSC unveils TV opening for Premier12 global baseball event" (ēng Eng-gí). goân-loē-iông tī 2022-01-01 hőng khó͘-pih. 2022-01-01 khòaⁿ--ê.
Gōa-pō͘ Liân-kiat
siu-kái- Tâi-oân Pāng-kiû Wiki-koán：世界12強棒球賽(Hàn-gí)