Silesia-gí

Silesia-gí (ślůnsko godka, ślůnski, pů našymu; "ślůnsko" ê IPA peng-im: ['ɕlonskɔ]) sī Pho-lân ê Téng Silesia tē-khu, í-ki̍p Tek-kok chham Czech chi̍t-kóa só͘-chāi só͘ sú-iōng ê chi̍t-khóan gí-giân. Kun-kù 2011 nî ê Pho-lân chôan-kok phó͘-cha, tong-tē ū 509 000 ê jîn-bîn í Silesia-gí chòe chāi-tē gí-giân (bó-gí). Silesia-gí chham Pho-lân-gí sī sio-chhin-kīn, ū chi̍t-kóa gí-giân-ha̍k-ka chiong i tòng-chò Pho-lân-gí ê hong-giân chi-it.

G1 khu-he̍k sī Silesia-gí ê hun-pò͘ khu.

Jī-bó

Silesia-gí ê sú-iōng-chiá chiong Pho-lân-bûn ê Jī-bó iōng-lâi chò Silesia-gí ka-kī ê peng-siá-hoat. Lēng-gōa, chāi bāng-lō͘ téng, pau-koat Silesia-gí ê Wikipedia, it-poaⁿ sú-iōng 2006 nî í chá-kî peng-siá-hoat lâi siat-kè ê sin Jī-bó hē-thóng:

Aa Bb Cc Ćć Čč Dd Ee Ff Gg Hh Ii Jj Kk Ll Mm Nn Ńń Oo Pp Rr Řř Ss Śś Šš Tt Uu Ůů Ww Yy Zz Źź Žž

Siang-tiông-chú-im (digraph):

Ch Dz Dź Dž.

Goā-pō͘ liân-kiat

Wikipedia

Wikipedia ū Silesia-gí ê pán-pún.

• Silesia-gí sin-bûn
• Pů našymu – djalykt ślůnski kodyfikowůny Archived 2008-07-14 at the Wayback Machine.