Tâi-oân tē-ūi bī-tēng lūn

Tâi-oân tē-ūi bī-tēng lūn (台灣地位未定論), mā hō-chòe Tâi-oân chú-koân bī-tēng lūn (台灣主權未定論), sī Tâi-oân kok-chè tē-ūi ê chi̍t-khóan lūn-su̍t, jīm-ûi Tâi-oân ê chú-koân kui-sio̍k iáu-bōe khak-tēng.

Ki-chhó͘

Chiàu kok-chè-hoat, Tâi-oân tī chiàn-āu Ji̍t-pún tâu-hâng, tông-bêng-kok ê kun-sū chiàm-niá khai-sí liáu-āu, kàu tông-bêng-kok tùi Ji̍t-pún ê hô-pêng tiâu-iok chhiam-tēng jî-chhiá si̍t-si chìn-chêng, sī sǹg chò Tiong-kok chiàm-niá ê Ji̍t-pún léng-thó͘.^[1] 1951 nî, San Francisco Tiâu-iok (Treaty of San Francisco) chhiam-tēng, tang-tiong Ji̍t-pún hòng-khì tùi Tâi-oân ê chú-khoân, m̄-koh bô choán-î khì pa̍t-ê kok-ka. Tùi chit hāng an-pâi khai-sí, Bí-kok, Eng-kok^[2], sī chú-tiuⁿ Tâi-oân bô sio̍k Tiong-kok léng-thó͘, Tâi-oân ê kui-sio̍k chiàu kok-chè-hoat sī bī-tēng--ê.^[3] Che to̍h sī Tâi-oân tē-ūi bī-tēng-lūn ê ki-chhó͘.

Gī-lūn

Khah-chá chiàm Tâi-oân ê Tiong-hôa Bîn-kok chèng-hú, kap Tiong-kok sin sêng-li̍p ê Tiong-hôa Jîn-bîn Kiōng-hô-kok chèng-hú, sī lóng chú-tiuⁿ Tâi-oân ài chiàu chá-chêng ê Cairo Soan-kò (Cairo Declaration) kui-ji̍p Tiong-kok léng-thó͘.^[4] Chóng-sī hit-tang-chūn sêng-jīn Tiong-hoa Jîn-bîn Kiōng-hô-kok ê Eng-kok, ia̍h sêng-jīn Tiong-hoa Bîn-kok chèng-hú ê Bí-kok,^[5] lóng jīn-ûi Cairo Soan-kò í-keng kòe-sî--ah.^[6] Pí-lūn Eng-kok ê siú-siòng Winston Churchill tī 1955 nî 2 goe̍h 1 ji̍t kok-hōe leh gī-lūn sī-m̄-sī ài kā Tâi-oân sàng hō͘ Tiong-kok ê sî, i kóng Cairo Soan-kò hoat-pò͘ liáu-āu, chin chē tāi-chì lóng piàn--ah. Koh kóng "Formosa tī bī-lâi ê chú-khoân che būn-tê, keng-kòe Ji̍t-pún Hô-pêng Tiâu-iok sī iû-oân bī-tēng--ê."^[3] Hù Siú-siòng Anthony Eden tī kâng goe̍h 4 hō ê sî mā ū tîn-su̍t kóng chiàu in chèng-hú ê khòaⁿ-hoat, Tâi-oân kap Phêⁿ-ô͘ ê hoat-lu̍t-siōng chú-khoân sī iû-oân bī khak-tēng.^[7]

Chham-chiàu

↑ "The Legal Status of Formosa". The Economist. 1950-07-08.
↑ G. F. Hudson (1955-01-01). "The Basis for Our Defense of Formosa". Commentary.
↑ ^3.0 ^3.1 "FORMOSA (SITUATION)". 1955-02-01. 2018-09-03 khòaⁿ--ê.
↑ Lí Thian-hok (1958 nî 4 goe̍h). "The China Impasse: A Formosan View". Foreign Affairs.
↑ "Treaty Goals Set". The New York Times. 1951-07-13.
↑ Dana Adams Schmidt (1955-01-30). "Strategy is Cited on Chiang Treaty". The New York Times.
↑ "Formosa and the Pescadores (Treaties)". 1955-02-04. 2019-07-24 khòaⁿ--ê.

Siong-koan

Che sī chi̍t phiⁿ kap Tâi-oân siong-koan ê phí-á-kiáⁿ. Chhiáⁿ tàu khok-chhiong.

[Economist19500708-1] "The Legal Status of Formosa". The Economist. 1950-07-08.

[Hudson1955-2] G. F. Hudson (1955-01-01). "The Basis for Our Defense of Formosa". Commentary.

[Parliament19550201-3] 3.0 ^3.1 "FORMOSA (SITUATION)". 1955-02-01. 2018-09-03 khòaⁿ--ê.

[FA195804-4] Lí Thian-hok (1958 nî 4 goe̍h). "The China Impasse: A Formosan View". Foreign Affairs.

[5] "Treaty Goals Set". The New York Times. 1951-07-13.

[6] Dana Adams Schmidt (1955-01-30). "Strategy is Cited on Chiang Treaty". The New York Times.

[7] "Formosa and the Pescadores (Treaties)". 1955-02-04. 2019-07-24 khòaⁿ--ê.

[1]

[2]

[3]

[4]

[5]

[6]

[7]